സാക് പുന്നന്‍

   Read PDF version

1 കോരി. 9:26 ൽ  പൗലോസ്  പറയുന്നത്  താൻ ചെയ്യുന്ന കാര്യത്തെക്കുറിച്ച് തനിക്കു വളരെ വ്യക്തമായ ലക്ഷ്യമുണ്ടെന്നാണ്. ലക്ഷ്യമില്ലാതെയല്ല അദ്ദേഹം പോരാടുകയും ഓടുകയും ചെയ്യുന്നത്. വ്യക്തമായ ഒരു ലക്ഷ്യത്തിലേക്കാണ് ഓടുന്നത്. കൃത്യമായ ലക്ഷ്യത്തിലേക്കാണ് അദ്ദേഹം ഉന്നം വയ്ക്കുന്നത്. മിലിട്ടറി അക്കാദമിയിൽ ഞങ്ങളെ റൈഫിൾ ഉപയോഗിച്ച് വെടിവയ്ക്കുവാൻ പഠിപ്പിച്ച ദിവസങ്ങൾ ഞാൻ ഓർക്കുന്നു .എല്ലാവരും കൈകളിൽ റൈഫിളും പിടിച്ചുകൊണ്ട് നിലത്തു കിടക്കുന്നു. ഓരോരുത്തരുടെയും മുൻപിൽ കുറച്ചകലെയായി ലക്ഷ്യസ്ഥാനം അടയാളപ്പെടുത്തിയ ഒരു ബോർഡ് വച്ചിരിക്കും. ആ ഒരേ കേന്ദ്രമുള്ള പല വൃത്തങ്ങൾ വരച്ചിട്ടുണ്ട്. അവയ്ക്ക് മദ്ധ്യത്തിലുള്ള ഒരു ബിന്ദുവിനെ  “ബുൾസ് ഐ” എന്ന് വിളിക്കുന്നു. അതാണ്‌ ലക്ഷ്യകേന്ദ്രം.ഞങ്ങൾ വെടിവെച്ചു തുടങ്ങിയപ്പോൾ ഞങ്ങളുടെ ഉന്നം ഒട്ടും കൃത്യത ഉള്ളതായിരുന്നില്ല. ഞങ്ങളിൽ ചിലരുടെ വെടി അടുത്തയാളുടെ ബോർഡിലായിരിക്കും കൊള്ളുന്നത്. എന്നാൽ കുറച്ചു നാളുകൾ കഴിഞ്ഞപ്പോൾ ഞങ്ങളെല്ലാവരും അവരവരുടെ ലക്ഷ്യകേന്ദ്രത്തിൽ തന്നെ വെടി കൊള്ളിക്കുവാൻ പഠിച്ചു.