സാക് പുന്നന്‍

സ്വർഗ്ഗീയ ഭവനം ഭൂമിയിൽ

(ഞങ്ങളുടെ മൂത്ത പുത്രൻ സഞ്ജയുടെയും കാത്തിയുടെയും വിവാഹ വേളയിൽ നൽകിയ സന്ദേശം)

എന്റെ മൂത്ത മകന്റെ വിവാഹത്തിൽ സംസാരിക്കാൻ കഴിഞ്ഞത് എനിക്കു വലിയ സന്തോഷം നൽകുന്ന കാര്യമാണ്. ദീർഘ വർഷങ്ങളായി ഈ ദിവസത്തിനായി ഞങ്ങൾ കാത്തിരിക്കുകയായിരുന്നു.

ആവർത്തന പുസ്തകം 11:18-21 വാക്യങ്ങൾ, കിംഗ് ജെയിംസ് വിവർത്തനത്തിൽ ഉപയോഗിച്ചിട്ടുള്ള ഒരു പ്രയോഗം ഇന്നു സഞ്ജയോടും കാത്തിയോടും പങ്കുവയ്ക്കുവാൻ ഞാൻ ആഗ്രഹിക്കുന്നു. അവിടെ ദൈവം ഇപ്രകാരം അരുൾ ചെയ്യുന്നു; “എന്റെ ഈ വചനങ്ങളെ നിങ്ങളുടെ ഹൃദയത്തിലും മനസ്സിലും പതിച്ചുകൊണ്ടാൽ… നിങ്ങളുടെ നാളുകൾ ഈ ഭൂമിയിൽ സ്വർഗ്ഗീയ ദിനങ്ങൾ ആയിത്തീരും. എത്ര മനോഹരമായ പദപ്രയോഗമാണിത്. നിങ്ങളുടെ നാളുകൾ ഭൂമിയിൽ സ്വർഗ്ഗീയ ദിനങ്ങൾ ആയിത്തീരും.

ഈ സ്വർഗ്ഗത്തിലെ നാളുകളെക്കുറിച്ചു നമുക്കു സങ്കല്പിക്കുവാൻ കഴിയുമോ? വഴക്കും പിണക്കവും സംഘർഷങ്ങളുമില്ലാത്ത നാളുകൾ. സമാധാനവും സന്തോഷവും മാത്രമുള്ള നാളുകൾ. എല്ലായിടത്തും സ്നേഹം മാത്രം. അപ്രകാരമുള്ള ഒരു ഭവനം നിങ്ങൾക്കും സാദ്ധ്യമാണ് – എല്ലാ ദിവസവും സ്വർഗ്ഗം ഭൂമിയിലായിരിക്കുന്ന അനുഭവമുള്ള കുടുംബം. ഭൂമിയിലെ എല്ലാ കുടുംബങ്ങളും അങ്ങനെ ആയിരിക്കണമെന്നു ദൈവം ആഗ്രഹിക്കുന്നു.

ബൈബിൾ ആരംഭിക്കുന്നതു ആദമിന്റെയും ഹവ്വയുടെയും വിവാഹത്തെക്കുറിച്ചു പരാമർശിച്ചു കൊണ്ടാണ്. അവസാനിക്കുന്നതു ക്രിസ്തുവിന്റെയും സഭയുടെയും വിവാഹത്തെക്കുറിച്ചും പറഞ്ഞുകൊണ്ടാണ്.

ദൈവം ആദ്യ വിവാഹം – ആദം ഹവ്വമാരുടെ – ആശീർവദിക്കുമ്പോൾ അവരുടെ നാളുകൾ സ്വർഗ്ഗീയ ദിനങ്ങളാകണമെന്ന് ആഗ്രഹിച്ചിരുന്നു. അവരുടെ ആദ്യഭവനം പറുദീസയായിരുന്നു – ഏദൻ പറുദീസ. എന്നാൽ സാത്താൻ കടന്നു വന്ന് അതിനെ ഒരു നരകമാക്കി. ഇന്നും ലോകത്ത് അധികം ഭവനങ്ങളും ഇപ്രകാരമുള്ള നരകങ്ങളായിത്തീർന്നിരിക്കുന്നു.

എന്നാൽ കഥ അവിടെ അവസാനിക്കുന്നില്ല എന്നതിൽ നമുക്കു ദൈവത്തെ സ്തുതിക്കാം. അവിടെ ഏദനിൽ ആദം പാപം ചെയ്തത്തിൽ തന്നെ ദൈവം തന്റെ പുത്രനെ അയച്ചു സാത്താന്റെ പ്രവൃത്തികളെ അഴിക്കും എന്നു സൂചിപ്പിക്കുന്ന വാഗ്ദാനം നൽകിയതായി ബൈബിൾ വ്യക്തമാക്കുന്നു. അവിടെനിന്നും ഈ മഹാസത്യം നാം ഗ്രഹിക്കുന്നു. പിശാചിനെതിരെ ദൈവം എല്ലായ്പോഴും നമുക്ക് അനുകൂലമായി നമ്മോടൊപ്പമുണ്ട്. ആദമിന്റെ പാപം കാരണമായി ദൈവം ഭൂമിയെ ശപിക്കുന്നതിനു മുമ്പു തന്നെ സർപ്പത്തിന്റെ തലയെ തകർക്കാൻ കഴിയുന്ന ഒരു സന്തതി സ്ത്രീയിൽ നിന്നു ജന്മമെടുക്കുമെന്നു ദൈവം വാഗ്ദാനം നൽകി. അതിനു ശേഷമാണു ദൈവം ശാപ വചനങ്ങൾ കല്പിച്ചത്.

പിശാചു കടന്നു വന്നു കാര്യങ്ങളെയെല്ലാം തകിടം മറിച്ചു എങ്കിലും പിശാചിനെതിരായി ദൈവം തങ്ങളുടെ പക്ഷത്തുണ്ട് എന്ന കാര്യം ആദമും ഹവ്വയും അറിയണമെന്നു ദൈവം ആഗ്രഹിച്ചിരുന്നു. ഏതു കുടുംബത്തെ സാത്താൻ കലക്കിയാലും അതിനെതിരെ ആ കുടുംബങ്ങളെ ആ കലക്കത്തിൽ നിന്നും വീണ്ടുകൊൾവാൻ ദൈവം നിരന്തരം പ്രവർത്തിച്ചു കൊണ്ടിരിക്കുന്നു. നമ്മെ തന്റെ യഥാർത്ഥ പദ്ധതിയിലേക്കു മടക്കിക്കൊണ്ടു വരുവാനും സ്വർഗ്ഗീയ ദിനങ്ങൾ നമ്മുടെ ജീവിതത്തിലാകുവാനും ദൈവം നമ്മെക്കുറിച്ചാഗ്രഹിക്കുന്നു. ഇപ്പോൾ ക്രിസ്‌തു ലോകത്തിലേക്കു വരികയും വീണ്ടടുപ്പിന്റെ പ്രവൃത്തി ആരംഭിക്കുകയും ചെയ്തിരിക്കുന്നു. ഇതു നമുക്കോരോരുത്തർക്കും ഒരു വലിയ സാദ്ധ്യതയെ യാഥാർത്ഥ്യമാക്കിത്തീർത്തിരിക്കുന്നു.

നിർമ്മാതാവിന്റെ നിർദ്ദേശങ്ങൾ

കുറച്ചു നാളുകൾക്കു മുമ്പ് ഞാൻ ഒരു ഡിജിറ്റിൽ ക്യാമറ വാങ്ങുവാനിടയായി. അതിനു മുമ്പു ഫിലിം റോളുകൾ ഉപയോഗിക്കുന്ന സാധാരണ ക്യാമറയായിരുന്നു ഞാൻ ഉപയോഗിച്ചിരുന്നത്. എന്നാൽ വില കൂടിയ ഈ ഡിജിറ്റൽ ക്യാമറയിൽ ചിത്രങ്ങൾ നന്നാവുകയില്ല. മോശമാവുകയാണെന്നു ഞാൻ കണ്ടെത്തി. അവ മങ്ങിയതും അവ്യക്തവുമായിരുന്നു. അത്രയും പണം ചെലവഴിച്ചതിനു ശേഷം ചവറ്റു കൊട്ടയിൽ എറിയുവാൻ മാത്രം കൊള്ളാവുന്ന ചിത്രങ്ങളായിരുന്നു അതിൽ നിന്നും പുറത്തു വന്നിരുന്നത് – ഇന്നത്തെ പല കുടുംബ ജീവിതങ്ങളെപ്പോലെ.

എന്തുകൊണ്ടായിരുന്നു അത്? അതിന്റെ കാരണം അതിനോടൊപ്പം ലഭിച്ച ചെറു പുസ്‌തകത്തിലെ നിർമ്മാതാവിന്റെ നിർദ്ദേശങ്ങൾ ഞാൻ വായിച്ചിരുന്നില്ല എന്നതാണ്. വിലപിടിപ്പുള്ള എല്ലാ ഉപകരണങ്ങളോടൊപ്പവും നിർമ്മാതാവിന്റെ നിർദ്ദേശങ്ങൾ അടങ്ങിയ ഒരു ചെറു പുസ്തകവും നമുക്കു ലഭിക്കാറുണ്ട്. കുടുംബം എന്ന സംവിധാനം ഉണ്ടാക്കിയ ദൈവം അതിനു വേണ്ട മാർഗ്ഗ രേഖ നൽകാതെയിരിക്കുമോ? ഒരിക്കലുമില്ല. നമുക്കു വേണ്ട നിർദ്ദേശങ്ങൾ അവിടുന്നു നൽകിയിട്ടുണ്ട്. ഞാൻ എന്റെ ഡിജിറ്റൽ ക്യാമറയുടെ കാര്യത്തിൽ ചെയ്തതുപോലെ നാം ആ നിർദ്ദേശങ്ങളെ അവഗണിച്ചതുകൊണ്ടാണ് നമ്മുടെ വിവാഹ ബന്ധങ്ങൾ ശിഥിലവും വ്യക്തതയില്ലാത്തതുമായിത്തീരുന്നത്.

എന്റെ ഡിജിറ്റൽ ക്യാമറയുടെ കാര്യത്തിൽ ഞാൻ നിർമ്മാതാവിന്റെ നിർദ്ദേശങ്ങൾ സശ്രദ്ധം വായിച്ചു. കൃത്യതയോടെ അതനുസരിച്ചു. നിർമ്മാതാവിനേക്കാൾ വൈദഗദ്ധ്യം എനിക്കുണ്ടെന്നു ചിന്തിക്കുവാൻ ഉള്ള ധൈര്യം ഞാൻ എടുത്തില്ല. അപ്രകാരം ഞാൻ ചിന്തിക്കുന്നതു ഭോഷത്തമാണ്. എന്നാൽ വിവാഹത്തിൽ ആളുകൾക്കു സംഭവിക്കുന്നത് ഇപ്രകാരമുള്ള ഭോഷത്തമാണ്. അവർ നിർദ്ദേശങ്ങളെ അവഗണിക്കുന്നു. അവർ വിചാരിക്കുന്നത് പാരമ്പര്യ വിശ്വാസങ്ങളുടെയോ മനഃശാസ്ത്രജ്ഞന്മാരുടെ ഉപദേശങ്ങളുടെയോ അടിസ്ഥാനത്തിൽ ദൈവം വച്ചിരിക്കുന്നതിനെക്കാൾ മെച്ചപ്പെട്ട കുംടുംബ ബന്ധങ്ങളുണ്ടാക്കാമെന്നാണ്.

വിവാഹ ബന്ധത്തെ സംബന്ധിച്ചു സുവ്യക്തമായ നിർദ്ദേശങ്ങൾ ദൈവം നൽകിത്തന്നിരിക്കുന്നു. ക്യാമറാ നിർമ്മാതാവിന്റെ നിർദ്ദേശങ്ങൾ ഞാൻ കൃത്യമായി അനുസരിച്ച്പ്പോൾ ചിത്രങ്ങൾ മിഴിവും പൂർണ്ണതയുള്ളതുമായി. ഇപ്രകാരം ഭാര്യാ ഭർത്താക്കന്മാർ ദൈവം നൽകിയ നിർദ്ദേശങ്ങൾ അനുസരിക്കുമ്പോൾ വിവാഹ ജീവിതവും മിഴിവുള്ളതാകും.

കുടുംബ ജീവിതത്തിനാവശ്യമായ നിർമ്മാതാവിന്റെ നിർദ്ദേശങ്ങൾ രേഖപ്പെടുത്തിയ ഒരേ ഒരു പുസ്തകം മാത്രമേ ലോകത്തിലുള്ളു. അതു ബൈബിളാണ്. ഞാൻ വിവാഹിതനാകുന്നതിനു വളരെ മുമ്പു മുതലേ അതു പഠിക്കാൻ തുടങ്ങിയിരുന്നു. ഞങ്ങളുടെ വിവാഹശേഷം ഞാനും എന്റെ ഭാര്യയും ഒരുമിച്ചിരുന്നു പഠിക്കുവാൻ തുടങ്ങി. അതുകൊണ്ട് 37 വർഷത്തെ ദാമ്പത്യ ബന്ധത്തിൽ സ്വർഗ്ഗീയ ദിനങ്ങൾ എന്തെന്ന് അല്പമായിട്ടെങ്കിലും ഞങ്ങൾക്ക് ആസ്വദിക്കുവാൻ കഴിഞ്ഞു. സുവിശേഷം ഇങ്ങനെയാണ്. നമുക്കു രണ്ടു സ്വർഗ്ഗങ്ങൾ അനുഭവിക്കുവാൻ കഴിയും. ഒന്ന്. ഈ ഭൂമിയിൽത്തന്നെ സ്വർഗ്ഗത്തിന്റെ നാളുകൾ. ഒടുവിൽ യഥാർത്ഥ സ്വർഗ്ഗം കർത്താവായ യേശു വരുമ്പോൾ അവിടുത്തോടൊപ്പം.

അതല്ലെങ്കിൽ രണ്ടു നരകങ്ങൾ – ഒന്ന് ഇപ്പോൾ. മറ്റേത് ഒടുവിൽ നിത്യ നരകവും. അതിൽ നിന്നും നമ്മെ രക്ഷിക്കുവാനാണ് കർത്താവു ഭൂമിയിൽ വന്നത്.

അടിസ്ഥാനം

ഒരു രണ്ടു നിലക്കെട്ടിടത്തിലാണ് സഞ്ജയും കാത്തിയും താമസിക്കുവാൻ പോകുന്നത്. എന്നു വച്ചാൽ ഒരു കുടുംബജീവിതം അപ്രകാരമാണ്. ഒന്നാമതായി ആ കെട്ടിടത്തിന് ഒരു അടിസ്ഥാനമുണ്ട്. അതിന്മേലാണ് ഒന്നാം നിലയും രണ്ടാം നിലയും കെട്ടിപ്പൊക്കിയിരിക്കുന്നത്.

ഏതൊരു വീടിന്റെയും ഏറ്റവും പ്രധാന ഭാഗം അതിന്റെ അടിസ്ഥാനം തന്നെയാണ്. എല്ലാ വിവാഹത്തിനും ആവശ്യമുള്ളതു നല്ല അടിസ്ഥാനം തന്നെയാണ്. നല്ല വിവാഹത്തിന്റെ അടിസ്ഥാനം ദൈവത്തിന്റെ ഉപാധികളില്ലാത്ത പൂർണ്ണതയുള്ള സ്നേഹമാണ്. ദൈവത്തിന്റെ ഉപാധികളില്ലാത്ത സ്നേഹത്തെക്കുറിച്ചുള്ള സത്യമാണ് ബൈബിളിൽ നാം കണ്ടെത്തുന്ന ഏറ്റവും വലിയ സത്യം. നാം തെറ്റുമ്പോഴും ഭോഷത്തം കാണിക്കുമ്പോഴും പരാജയപ്പെടുമ്പോഴും നമ്മുടെ ജീവിതം ആകെ കുഴഞ്ഞു മറിഞ്ഞ് അവശതയിലാകുമ്പോഴും ദൈവത്തിന്റെ നമ്മോടുള്ള സ്നേഹത്തിനു മാറ്റമില്ലാതെ തുടരുന്നു.

കുഞ്ഞിനോടു പെറ്റമ്മയ്ക്കുള്ള സ്നേഹത്തോടു ദൈവം അതിനെ ഉപമിക്കുന്നു. ആ സ്നേഹത്തിനു പ്രതിഫലമായി അമ്മ ഒന്നും തന്നെ കുഞ്ഞിൽ നിന്നും ആഗ്രഹിക്കുന്നില്ല.

അതേസമയം നാം ടെലിവിഷനുകളിലും സിനിമകളിലും കാണുന്ന സ്നേഹവും പ്രേമവും ഒക്കെ സ്വാർത്ഥതയാണ്. ഒരു ചെറുപ്പക്കാരൻ ഒരു പെൺകുട്ടിയോടു സ്നേഹമാണെന്നു പറയുമ്പോൾ അവൻ സ്വന്തം സന്തോഷത്തിനു വേണ്ടി അവളിൽ നിന്നു ചിലതു പ്രതീക്ഷിക്കുന്നു. ആ പെൺകുട്ടിയും അയാളിൽ നിന്നു ചിലതു പ്രതീക്ഷിക്കുന്നു. എന്നാൽ ദൈവത്തിന്റെ സ്നേഹം തികച്ചും വ്യത്യസ്തമാണ്. അത് ഒരു കുഞ്ഞിനോട് അമ്മയ്ക്കുള്ള സ്നേഹം പോലെയാണ്. അവൾ തന്റെ കുഞ്ഞിൽ നിന്നും ഒന്നും തന്നെ പ്രതീക്ഷിക്കുന്നില്ല. തന്നെയുമല്ല കുഞ്ഞിന് അമ്മയ്ക്ക് ഒന്നും നൽകാനുള്ള കഴിവുമില്ല. ഭൂമിയിൽ നിസ്വാർത്ഥ സ്നേഹത്തിന് ഏറ്റവും നല്ല ഉദാഹരണം അമ്മയുടെ സ്നേഹമാണ്. യെശയ്യാവ് 49:15ൽ കാണുന്ന ഉദാഹരണം ഈ മാതൃ സ്നേഹമാണ്. തിരികെ ഒന്നും പ്രതീക്ഷിക്കാത്ത തന്റെ സ്നേഹം, ദൈവം വരച്ചു കാണിക്കുന്നു. ഒരു അമ്മയെപ്പോലെ സഹിക്കുകയും ശുശ്രൂഷിക്കുകയും ചെയ്യുന്ന ദൈവം. രോഗിയായ ഒരു കുഞ്ഞിനെ അമ്മ എങ്ങനെയാണ് ശുശ്രൂഷിക്കുന്നതെന്നു ശ്രദ്ധിച്ചിട്ടുണ്ടോ? അപ്രകാരമാണു ദൈവം നമ്മെ സ്നേഹിക്കുന്നത്.

ഒരു പുതിയ കുടുംബം പണിയുവാൻ നിങ്ങളുടെ രണ്ടു പേരുടെയും അവബോധത്തിൽ അടിസ്ഥാനമായി ഉണ്ടായിരിക്കേണ്ടത് ദൈവത്തിന്റെ ഈ പൂർണ്ണതയുള്ള സ്നേഹമാണ്. അതിനു മുകളിലാണ് രണ്ടു നിലകളുള്ള വീടു നിങ്ങൾ കെട്ടിപ്പടുക്കേണ്ടത്. നിങ്ങൾ ഓരോരുത്തരും വ്യക്തി പരമായി ദൈവത്തിന്റെ ഈ സ്നേഹത്തിൽ സുരക്ഷിതത്ത്വം കണ്ടെത്തുന്നില്ല എങ്കിൽ നിങ്ങളുടെ ഇടയിൽ പല പ്രശ്നങ്ങളും ക്രമേണ സംജാതമാകും.

നമ്മുടെ ഒട്ടേറെ പ്രശ്നങ്ങളുടെയും വേരു നമ്മുടെ അരക്ഷിത ബോധത്തിലാണെന്നു ഞാൻ കണ്ടത്തിയിട്ടുണ്ട്. സ്വർഗ്ഗീയ പിതാവിന്റെ ഉപാധികളില്ലാത്ത സ്നേഹത്തിൽ സുരക്ഷിതത്വം കണ്ടെത്തിയിട്ടില്ലെങ്കിൽ സ്നേഹിക്കേണ്ട വിധത്തിൽ ആരെയും സ്നേഹിക്കാൻ നമുക്കു കഴിയില്ല. നമുക്കു പരസ്പര ബന്ധത്തിൽ അസൂയയും മത്സര മനോഭാവവും ഉണ്ടാകും. ഒരിക്കൽ നാം ആ സ്നേഹത്തിൽ സുരക്ഷിതരാണങ്കിൽ നാം സ്വതന്ത്രരാകും. അപ്പോൾ നമുക്കു ബന്ധങ്ങൾ പണിതുറപ്പിക്കാൻ കഴിയും.

ഒന്നാം നില

ഏറ്റവും വലിയ കല്പന ഏതെന്ന ചോദ്യത്തിന് ഉത്തരമായി യേശു പറഞ്ഞു: ഏറ്റവും വലുതായി രണ്ടു കല്പനകൾ ഉണ്ടെന്ന്. ഒന്ന്: ദൈവത്തെ പൂർണ്ണഹൃദയത്തോടും പൂർണ്ണശക്തിയോടും സ്നേഹിക്കുക. രണ്ടാമത്തേത്: അവിടുന്നു നമ്മ സ്നേഹിച്ചതു പോലെ മറ്റുള്ളവരെ സ്നേഹിക്കുക.

അതു രണ്ടുമാണ് കെട്ടിടത്തിന്റെ രണ്ടു നിലകൾ. ഒന്നാം നില പണിയാതെ രണ്ടാം നില പണിയാൻ നിങ്ങൾക്കു കഴികയില്ല. ഒരു പാടു പേർക്കു സംഭവിക്കുന്ന ഒരു തെറ്റാണ് അത്. തങ്ങളുടെ മുഴുഹൃദയത്തോടെയും ദൈവത്തെ സ്നേഹിക്കാതെ മറ്റുള്ളവരെ സ്നേഹിക്കുവാൻ ശ്രമിക്കുക. അവർ നിർമ്മാതാവിന്റെ നിർദ്ദേശങ്ങൾ വായിച്ചിട്ടുള്ളവരല്ല. അതു മൂലം അവരുടെ സ്നേഹം ഉതിർന്നു പോകുന്നു. നീണ്ടു നില്ക്കുന്നില്ല. ഒന്നാമതായി ദൈവത്തെ സ്നേഹിക്കുന്നു എങ്കിൽ മാത്രമേ നമുക്കു മറ്റുള്ളവരെ സ്നേഹിക്കേണ്ടതു പോലെ സഹിക്കുവാൻ കഴിയൂ.

ദൈവം ആദമിനേയും ഹവ്വയേയും സൃഷ്ടിച്ചപ്പോൾ അവരെ ഒരുമിച്ചല്ല സൃഷ്ടിച്ചത്. ദൈവം വിചാരിച്ചിരുന്നെങ്കിൽ നിഷ്പ്രയാസം അങ്ങനെ തന്നെ ഒരേസമയം അവരെ ഉണ്ടാക്കാൻ കഴിയുമായിരുന്നു. എന്നിട്ടു രണ്ടു രൂപങ്ങളുണ്ടാക്കി രണ്ടിന്റെയും മൂക്കിൽ ശ്വാസം ഊതിയാൽ മതിയായിരുന്നു. എങ്കിൽ പിന്നെ എന്തുകൊണ്ടായിരിക്കാം ദൈവം ആദമിനെ മാത്രമായി ആദ്യം ഉണ്ടാക്കിയത്? കാരണം ആദം കണ്ണു തുറക്കുമ്പോൾ ആദ്യം കാണേണ്ടതു ദൈവത്തെ തന്നെ ആയിരുന്നു – ഹവ്വയെ അല്ല. അതിനു ശേഷം ദൈവം ആദമിന് ഒരു ഗാഢ നിദ്ര വരുത്തി. എന്തിന്? അവന്റെ വാരിയെല്ല് എടുക്കുന്നതിനു വേണ്ടി ആയിരുന്നില്ല. തോട്ടത്തിന്റെ മറ്റൊരു ഭാഗത്തു ഹവ്വയ്ക്ക് രൂപം കൊടുത്ത ശേഷം അവൾ കണ്ണു തുറക്കുമ്പോൾ ആദ്യം കാണേണ വ്യക്തി ദൈവം തന്നെ ആകണമായിരുന്നു. ആദം എന്നൊരാൾ ഉണ്ടെന്നു പോലും അവൾ അപ്പോൾ അറിഞ്ഞില്ല. അവൾ ദൈവത്തെ ആയിരുന്നു ആദ്യം കണ്ടത്.

ആദമിനെയും ഹവ്വയെയും ദൈവം പഠിപ്പിക്കാൻ ആഗ്രഹിച്ച ആദ്യ പാഠം അതായിരുന്നു. “നിങ്ങളുടെ ദൈവമാകുന്ന ഞാൻ തന്നെ ആയിരിക്കണം എല്ലായ്പ്പോഴും നിങ്ങളുടെ ജീവിതത്തിൽ ഒന്നാം സ്ഥാനത്തു നിൽക്കേണ്ടത്. നാമും പഠിക്കേണ്ട സുപ്രധാന പാഠം അതു തന്നെയാണ്.

ഫെവിക്കോൾ എന്ന പേരിലുള്ള പ്രശസ്തമായ പശയെക്കുറിച്ചു നിങ്ങൾക്കറിവുണ്ടല്ലോ. തടി ഉരുപ്പടികളെ തമ്മിൽ ഒട്ടിച്ചു നിർത്താൻ കഴിവുള്ളതാണത്. ഒരിക്കൽ ഞാനതിന്റെ ഒരു പരസ്യം കണ്ടു. ഫെവിക്കോൾ കൊണ്ടു ചേർത്തു വച്ച് രണ്ടു തടിക്കഷണങ്ങൾ രണ്ട് ആനകൾ എതിർ ദിശകളിലേക്കു വലിച്ച് വേർപെടുത്താൻ ശ്രമിക്കുന്നതാണത്. അവയ്ക്കതു കഴിഞ്ഞില്ല. ഒരു യഥാർത്ഥ ക്രിസ്തീയ വിവാഹ ബന്ധം അപ്രകാരമായിരിക്കണം. ക്രിസ്തു നടുവിൽ ഉണ്ടായിരിക്കുമ്പോൾ അതങ്ങനെ തന്നെ ആയിരിക്കും. ഭാര്യക്കും ഭർത്താവിനും ഇടയിൽ, അവരുടെ ബന്ധത്തിന്റെ കേന്ദ്രം ക്രിസ്തു ആയിരിക്കുമ്പോൾ, അവിടുന്ന് അവരെ തന്റെ ബലമുള്ള കരങ്ങളാൽ ചേർത്തു പിടിക്കും. അപ്രകാരമുള്ള ഭാര്യഭർത്താക്കന്മാരെ ഭൂമിയിലോ ആകാശത്തിലോ ഉള്ള ഒരു ശക്തിക്കും വേർപെടുത്താൻ കഴിയില്ല. ക്രിസ്തുവിനു പ്രഥമ സ്ഥാനമില്ലാത്ത, ക്രിസ്തവിൽ കേന്ദ്രീകൃതമല്ലാത്ത എല്ലാ ബന്ധങ്ങളും പശയില്ലാതെ ചേർത്തു വയ്ക്കുന്ന തടിക്കഷണങ്ങൾ പോലെയാണ്. ഇരുവശങ്ങളിലേക്കും വലിച്ചു മാറ്റാതെ തന്നെ അവ അകന്നു പോകും. ഇന്നു നടക്കുന്ന എണ്ണ മറ്റ വിവാഹമോചനങ്ങൾ കണ്ട് നാം അത്ഭുതപ്പെടേണ്ടതില്ല. വിവാഹദിവസത്തിൽ തങ്ങൾക്ക് അന്യോന്യമുള്ള സ്നേഹം വളരെ ആഴമുള്ളതാണെന്നു സങ്കല്പിക്കുന്ന ദമ്പതികൾ അറിയുന്നില്ല. അതു സ്വാർത്ഥത്തിൽ കേന്ദ്രീകൃതമായ സ്നേഹമാണെന്ന് ക്രിസ്തു തങ്ങളുടെ നടുവിലില്ല എന്ന്. ചില മാസങ്ങൾക്കു ശേഷം അവർ പരസ്പരം കലഹിച്ചു തുടങ്ങുന്നു.

“തമ്മിൽ സ്നേഹിക്കുക” എന്നതു മനോഹരമായതും വളരെ ഉപയോഗിച്ചു പഴകിയതുമായ ഒരു പ്രയോഗമാണ്. ദൈവത്തെ സ്നേഹിക്കുന്നില്ല. എങ്കിൽ ഒരിക്കലും നിങ്ങൾക്കു തമ്മിൽ സ്നേഹിക്കുവാൻ സാദ്ധ്യമല്ല. ക്രിസ്തു നിങ്ങളുടെ വ്യക്തിജീവിതത്തിന്റെ കർത്താവാകുന്നില്ലെങ്കിൽ നിങ്ങളുടെ പങ്കാളിയോടുള്ള സ്നേഹം അവസാനം വരെ മുറുകെ പിടിക്കുവാൻ നിങ്ങൾക്കു കഴികയില്ല. ദൈവത്തെ സ്നേഹിക്കുക എന്ന ഒന്നാം നില നിങ്ങൾ പണിയുന്നില്ലെങ്കിൽ മറ്റുള്ളവരെ സ്നേഹിക്കുക എന്ന രണ്ടാം നില പണിയുവാൻ നിങ്ങൾക്കു കഴിയുകയില്ല.

രണ്ടാം നില

തമ്മിൽ സ്നേഹിക്കുന്നതിനെ സംബന്ധിച്ചു മൂന്നു കാര്യങ്ങൾ എനിക്കു പറയുവാനുണ്ട്.

ഒന്നാമതായി, സ്നേഹം അഭിനന്ദനം പ്രകടിപ്പിക്കുന്നു. ദാമ്പത്യ സ്നേഹത്തെക്കുറിച്ചു ഒരു പുസ്തകം തന്നെ ദൈവം ബൈബിളിൽ ചേർത്തിരിക്കുന്നു. എല്ലാ ദമ്പതികളും ഈ പുസ്തകം പരസ്പരം വായിച്ചു കേൾപ്പിക്കേണ്ടതാണ്. ഭാര്യാ ഭർത്താക്കന്മാർ പരസ്പരം എങ്ങനെ സംസാരിക്കണമെന്നു ദൈവം പ്രതീക്ഷിക്കുന്നു എന്നത് അത്ഭുതകരമല്ലേ! ആ പുസ്തകവും മറ്റു പുസ്തകങ്ങളെപ്പോലെ പരിശുദ്ധാത്മ നിശ്വാസീയമായ തിരുവെഴുത്തു തന്നെ!

നമുക്കു ഭാര്യാഭർത്താക്കന്മാർ എന്ന നിലയിൽ പരസ്പരം അഭിനന്ദിക്കേണ്ടതെങ്ങനെയെന്നു കാണുവാൻ അതിൽ നിന്നും ചില ഭാഗങ്ങൾ ഞാൻ വായിക്കുവാൻ ആഗ്രഹിക്കുന്നു. നാം സ്വാഭാവികമായി കുറ്റങ്ങൾ കണ്ടെത്തുന്നതിലും പറയുന്നതിലും വേഗതയുള്ളവരും അഭിനന്ദിക്കുന്നതിൽ മാന്ദ്യമുള്ളവരുമാണ്. അതു മനുഷ്യ സഹജമാണ്. അങ്ങനെയാണ് പിശാചു നമ്മിൽ ഇടം കണ്ടത്തുന്നത്. നമുക്കു മറ്റുള്ളവരെ അഭിനന്ദിക്കുവാൻ നാം വക കണ്ടെത്തുകയും അഭിനന്ദിക്കുകയും ചെയ്യുമ്പോഴാണ് ദൈവം നമ്മിൽ ഇടം കണ്ടെത്തുന്നത്. നമുക്കു നമ്മെത്തന്നെ ഇവിടെ ഒരു പരിശോധനയ്ക്കു വിധേയമാക്കുന്നത് നല്ലതാണ്.

ഭർത്താവ് ഭാര്യയോടു ശലോമോന്റെ ഉത്തമഗീതത്തിൽ സംസാരിക്കുന്നതെങ്ങനെയെന്നു നോക്കുക (മെസേജ് ബൈബിൾ വിവർത്തനം):

“എന്റെ പ്രിയയേ, നീയെത്ര മനോഹരിയാണ്. ഉള്ളംകാൽ മുതൽ ശിരസ് വരെയും ഊനമില്ലാതെ അഴകിന്റെ നിറകുടം. താരതമ്യത്തിന് അതീത്. എന്റെ സ്വപ്നങ്ങളിലെ വശ്യ സൗന്ദര്യങ്ങളെപ്പോലെ സുന്ദരിയാണു നീ. കുളിർമ്മയിരുന്ന ശബ്ദവും കീഴടക്കുന്ന മുഖലാവണ്യവുമാണ് നിന്റേത്. എന്റെ സ്നേഹിതേ, അകത്തും പുറത്തും ഒന്നു പോലെ നീ സൗന്ദര്യത്തിന്റെ പൂർണതയാണ്. നീ ഒരു പറുദീസാ തന്നെ.’ (ഇതൊന്നും ഞാൻ കണ്ടു പിടിച്ചതല്ല, തിരുവെഴുത്തുകളിലേതാണ്).

“നീ എന്റെ ഹൃദയത്തെ അപഹരിച്ചിരിക്കുന്നു. നിന്റെ മിഴികൾ എന്നെ പ്രേമത്തിൽ വീഴ്ത്തിക്കളഞ്ഞു. എന്റെ നേരെയുള്ള നിന്റെ നോട്ടത്തിൽ ഞാൻ വിവശനായിപ്പോയി. എന്റെ ഹൃദയം ഹർഷോന്മാദത്തിലായി. നിന്റെ സാമീപ്യം എന്നിലുളവാക്കുന്ന അനുഭൂതിയും എന്നിലുണർത്തുന്ന അഭിലാഷങ്ങളും അവാച്യം! എന്റെ ഹൃദയം കവർന്നെടുക്കപ്പെട്ടിരിക്കുന്നു. മറ്റൊരു സ്ത്രീയും എന്നെ ആകർഷിക്കുന്നില്ല.” (ഏതൊരു ഭർത്താവിനെ സംബന്ധിച്ചും ഇതു സത്യമായിരുന്നെങ്കിൽ എന്നു ഞാനാഗ്രഹിക്കുന്നു).

“ഈ ഭൂമിയിൽ നിന്നെപ്പോലെ മറ്റാരുമില്ല. ഇതിനു മുമ്പ് ഉണ്ടായിട്ടില്ല. ഇനി ഉണ്ടാവുകയുമില്ല. നീ താരതമ്യങ്ങൾക്കതീതയാണ്.” (ഇവിടെ ദൈവം കാവ്യാത്മകത അനുവദിച്ചിരിക്കുന്നു. ഭർത്താവിന്റെ തോന്നലുകൾക്ക്, അനുഭൂതികൾക്കു ശാസ്ത്രീയമായ കൃത്യതയൊന്നും ഇവിടെ ബാധകമായിരിക്കുന്നില്ല).

ഈ സമയം ഭാര്യ, ഭർത്താവിനോടു പറയുന്നതു ശ്രദ്ധിക്കുക: അവളുടെ പ്രതികരണം:

“എന്റെ പ്രിയാ, നീ സുന്ദരൻ തന്നെ. നീ പതിനായിരങ്ങളിലും ശ്രേഷ്ഠനാണ്. നിന്നെപ്പോലെ ആരുമില്ല. നീ തങ്കമാണ്. പുരുഷന്മാരിൽ കീഴടക്കാൻ പ്രയാസമുള്ള ഒരു കൊടുമുടി കണക്കെയാണു നീ. നിന്റെ വാക്കുകൾ ഊഷ്മളവും ധൈര്യം നൽകുന്നതുമാണ്. നിന്റെ വാക്കുകൾ ചുംബനം പോലെയും നിന്റെ ചുംബനങ്ങൾ വാക്കുകൾ പോലെയുമാണ് . നിന്നെക്കുറിച്ചുള്ളതെല്ലാം എനിക്കു പ്രമോദമായിരിക്കുന്നു. നീ എന്നെ പേർത്തും പേർത്തും പുളകിതയാക്കുന്നു. ഞാൻ നിന്നെ വാഞ്ഛിക്കുന്നു. ഉത്ക്കടമായി നിനക്കുവേണ്ടി ദാഹിക്കുന്നു. നിന്റെ അസാന്നിദ്ധ്യം നോവിക്കുന്നു. നിന്നെ കാണുമ്പോൾ തന്നെ നിന്നെ എന്റെ കരവലയത്തിലമർത്തി മുറുകെ പിടിക്കും – വിട്ടു പോകാതെ വണ്ണം. ഞാൻ നിന്റേതാണ്. നിന്റേതുമാത്രം. നീയാണ് എന്റെ പ്രാണപ്രിയൻ. നീ മാത്രം.”

എന്തുകൊണ്ടാണ് ഇത്തരം കാര്യങ്ങൾ ദൈവം തിരുവെഴുത്തുകളിൽ ഉൾപ്പെടുത്തിയിരിക്കുന്നത്? കാരണം ദൈവം തന്നെ ഒരു പ്രണയേശ്വരനാണ്.

സഞ്ജയും കാത്തിയും അപ്രകാരമുള്ള പ്രാണ സഖികളായിത്തീരട്ടെ. നിങ്ങൾ അപ്രകാരം പരസ്പരം സ്നേഹിക്കണമെന്നു ദൈവം ആഗ്രഹിക്കുന്നു. നിങ്ങളുടെ നാളുകൾ സ്വർഗ്ഗീയ ദിനങ്ങൾ ആയിത്തീരും, നിങ്ങൾ പരസ്പരം അഭിന്ദിക്കുന്നു എങ്കിൽ.

യേശുവാണ് ഇക്കാര്യത്തിൽ നമ്മുടെ മാതൃക. എത്ര നിർലോഭമായിട്ടാണ് അവിടുന്ന് ആളുകളെ ശ്ലാഘിച്ചത്.

യഥാർത്ഥ സ്നേഹത്തെ സംബന്ധിച്ച രണ്ടാമത്തെ സത്യം: സ്നേഹം വേഗത്തിൽ ക്ഷമിക്കുന്നു. സ്നേഹം കുറ്റപ്പെടുത്തുന്നതു സാവധാനത്തിലും, ക്ഷമിക്കുന്നതു വേഗത്തിലും ആയിരിക്കും. എല്ലാ ദാമ്പത്യ ബന്ധങ്ങളിലും ഭാര്യാഭർത്താക്കന്മാർക്കിടയിൽ പ്രശ്നങ്ങളുണ്ടാകാറുണ്ട്. ഈ പ്രശ്നങ്ങളെ അടുപ്പത്തു തന്നെ വച്ചാൽ അതു തിളച്ചു കൊണ്ടേയിരിക്കുമെന്ന് ഉറപ്പാണ്. അതുകൊണ്ടു തന്നെ വേഗത്തിൽ ക്ഷമിക്കുകയും വേഗത്തിൽ ക്ഷമ ചോദിക്കുകയും ചെയ്യുക. സൂര്യാസ്‌തമയം വരെ അതിനു വേണ്ടി കാക്കരുത്. കാലത്തെ കാലിൽ തറയ്ക്കുന്ന മുള്ളിനെ തീർച്ചയായും അപ്പോൾ തന്നെ നിങ്ങൾ എടുത്തു മാറ്റും. പങ്കാളിയെ മുറിവേൽപിക്കുമ്പോഴും ഒരു മുള്ളു തറയ്ക്കുന്നതു പോലെയാണ്. പെട്ടെന്നു തന്നെ അത് എടുത്തു കളയുക. വേഗത്തിൽ ക്ഷമിക്കുകയും ക്ഷമ ചോദിക്കുകയും ചെയ്യുക.

അവസാനമായി, സ്നേഹം എല്ലാ കാര്യങ്ങളും ഒരുമിച്ചു ചെയ്യുന്നു. ഒറ്റയ്ക്കല്ല. പിശാച് ഏദൻ തോട്ടത്തിൽ വച്ചു ഹവ്വയെ പ്രലോഭിപ്പിച്ചപ്പോൾ “ഞാൻ എന്റെ ഭർത്താവിനോടു ചോദിച്ചിട്ട് ഒരു തീരുമാനമെടുക്കാം” എന്ന് ഹവ്വ പറഞ്ഞിരുന്നെങ്കിൽ മനുഷ്യന്റെ ചരിത്രം തന്നെ എത വ്യത്യസ്തമായ ഒന്നാകുമായിരുന്നു എന്നു ആലോചിച്ചു നോക്കുക. കഥകൾ എത്ര വ്യത്യസ്തമാകുമായിരുന്നു! ലോകത്തിലെ സകല പ്രശ്നങ്ങളുടെയും ഉറവിടം, തനിക്ക് ആലോചന ചോദിക്കുവാൻ ഒരു ഭർത്താവുണ്ടായിരിക്കെ ഒരു സ്ത്രീ ഒറ്റയ്ക്ക് എടുത്ത ആ തീരുമാനത്തിൽ നിന്നാണ്. യഥാർത്ഥ സ്നേഹം എല്ലാം കൂട്ടായി ചെയ്യുന്നു. ഒരാളെക്കാൾ രണ്ടുപേർ ഏറെ നല്ലത്.

ഉപസംഹാരമായി ഉത്തമ ഗീതം 8-ാം അധ്യായത്തിലെ 6,7 വാക്യങ്ങൾ (മെസേജ് ബൈബിൾ) ഉദ്ധരിക്കട്ടെ. “സ്നേഹത്തിന്റെ അഗ്നി തന്റെ മുമ്പിൽ വരുന്ന എല്ലാറ്റിനെയും ശുദ്ധീകരിക്കുന്നു. പ്രളയജലത്തിന് അതിനെ മുക്കിക്കളവാൻ കഴികയില്ല. യഥാർത്ഥ സ്നേഹം വിലകൊടത്തു വാങ്ങാൻ കഴിയില്ല. അതു ചന്തസ്ഥലങ്ങളിൽ ലഭ്യമല്ല.”

ദൈവത്തിന്റെ സ്നേഹം മാത്രമേ അപ്രകാരം കാണുന്നുള്ളു. അതു കൊണ്ടാണ് ആറാം വാക്യത്തിൽ അതിനെ “ദിവ്യജ്വാല” എന്നു വിശേഷിപ്പിക്കുന്നത്. ദൈവത്തിനു മാത്രമേ അത്തരം സ്നേഹം നമുക്കു നൽകാൻ കഴികയുള്ളു.

അത്തരത്തിലുള്ള സ്നേഹത്താൽ ദൈവം നിങ്ങളെ നിറയ്ക്കുവാൻ വേണ്ടി സഞ്ജയ്, കാത്തീ നിങ്ങൾ ദൈവത്തോടപേക്ഷിക്കുക. പരസ്പരം സ്നേഹിക്കേണ്ടതിനായി. ദൈവം നിങ്ങളെ അനുഗ്രഹിക്കട്ടെ.

മൂന്നു തിരഞ്ഞെടുപ്പുകൾ

(എന്റെ രണ്ടാമത്തെ മകൻ സന്തോഷിന്റെയും ഭാര്യ മെഗന്റെയും വിവാഹ വേളയിലെ നൽകിയ സന്ദേശം)

ദൈവം നമുക്ക് ഒരു പുസ്തകം നൽകിത്തന്നിരിക്കുന്നു. നാം അത് അങ്ങനെ തന്നെ വിശ്വസിക്കുന്നു എങ്കിൽ ജീവിതത്തിലെ എല്ലാ കാര്യങ്ങൾക്കും ആവശ്യമായ നിർദ്ദേശങ്ങൾക്കായി നാം അതിലേക്കു തന്നെ നോക്കും. മനുഷ്യനു വിവാഹം എന്ന വ്യവസ്ഥ നിയമിച്ചതു ദൈവമാണെന്നു നാം ബൈബിളിൽ കണ്ടത്തുന്നു. അതേക്കുറിച്ചു ആദ്യം ചിന്തിച്ചതു ദൈവം തന്നെ ആയിരുന്നു. പരസ്പരം ഒന്നു ചേരണമെന്ന ഉദ്ദേശ്യത്തോടെ പുരുഷനേയും സ്ത്രീയേയും ഉണ്ടാക്കിയതും ദൈവം തന്നെ ആയിരുന്നു. എങ്ങനെയാണു വിവാഹിതരായ ദമ്പതികൾ ജീവിക്കേണ്ടത് എന്നതിനു നിർദ്ദേശങ്ങളും മുന്നറിയിപ്പുകളും അവിടുന്നു തന്റെ പുസ്തകത്തിലൂടെ നൽകുകയും ചെയ്തു.

ഉല്പത്തി മൂന്നാം അദ്ധ്യായത്തിൽ ആദമിന്റെയും ഹവ്വയുടെയും ദാമ്പത്യ ജീവിതത്തെക്കുറിച്ചു നാം വായിക്കുന്നു. അവരുടെ വിവാഹം കഴിഞ്ഞ ഉടനെ തന്നെ ദൈവം അവരെ മനോഹരമായ ഒരു തോട്ടത്തിലേക്ക് അയയ്ക്കുന്നു. ആ തോട്ടത്തിൽ സംഭവിച്ച മൂന്നു കാര്യങ്ങളുമായി ബന്ധപ്പെട്ടു മൂന്നു തിരഞ്ഞടുപ്പുകൾ സന്തോഷും മെഗനും – എല്ലാ വിവാഹിതരായ ദമ്പതികളും – നടത്തേണ്ടിയിരിക്കുന്നു. ദൈവം നിയമിച്ച സന്തോഷകരമായ ദാമ്പത്യ ജീവിതം നിങ്ങൾ ആഗ്രഹിക്കുന്നു. എങ്കിൽ അപ്രകാരം ചെയ്യേണ്ടതുണ്ട്.

അത്തരം സന്തുഷ്ടമായ കുടുംബ ജീവിതങ്ങൾ ഭൂമിയിൽ തുലോം വിരളമാണ്. ഇതിന്റെ കാരണം ആളുകൾ തിരുവെഴുത്തുകളെ വായിക്കുവാൻ സമയം കണ്ടെത്തുന്നില്ല എന്നതാണ്. വായിക്കുന്നവരാകട്ടെ അതിനെക്കുറിച്ചു ധ്യാനിക്കുവാൻ സമയം എടുക്കുന്നില്ല. അതുകൊണ്ടു ദാമ്പത്യ ജീവിതത്തിൽ തങ്ങൾ എങ്ങനെ ആയിരിക്കണമെന്നാണു ദൈവം ആഗ്രഹിക്കുന്നതെന്നു കണ്ടെത്തുവാൻ അവർക്കു കഴിയുന്നില്ല.

ദൈവം തികഞ്ഞ സ്വാതന്ത്ര്യം നൽകിയാണ് ആദമിനെയും ഹവ്വയെയും തോട്ടത്തിലേക്ക് അയച്ചതെങ്കിലും ഒരു നിയന്ത്രണവച്ചിരുന്നു. ഒരു വൃക്ഷത്തിന്റെ ഫലം തിന്നുകൂടാ എന്ന് ഒരു വിലക്കു കല്പിച്ചിരുന്നു. അതിനൊരു കാരണവും ഉണ്ടായിരുന്നു. ഒരു തിരഞ്ഞെടുപ്പു കൂടാതെ ആർക്കും ദൈവപുത്രൻ ആകുവാൻ സാധ്യമല്ലായിരുന്നു. വ്യക്തിപരമായ തിരഞ്ഞെടുപ്പു കൂടാതെ ആർക്കും വിശുദ്ധരാകുവാൻ സാധ്യമല്ല. അതു കൊണ്ട് ഒരു തിരഞ്ഞെടുപ്പിന് അവസരം നൽകാതിരുന്നാൽ ആദാമിനും ദൈവപുത്രനാകുവാൻ കഴിയുമായിരുന്നില്ല. എന്നാൽ അവൻ ദൈവപുത്രനാകണമെന്നു ദൈവം ആഗ്രഹിച്ചിരുന്നു. ഭൗമിക ജീവിതത്തെ സംബന്ധിച്ചും നമ്മുടെ നിത്യതയെ സംബന്ധിച്ചും നമ്മുടെ തിരഞ്ഞെടുപ്പുകൾ എത്ര പ്രാധാന്യമേറിയതാണെന്നു നാം അറിഞ്ഞിരുന്നെങ്കിൽ!

ദൈവം നമുക്കു നൽകിയിരിക്കുന്ന സുപ്രധാനമായ വരദാനമാണ് തിരഞ്ഞെടുപ്പിനുള്ള അധികാരം. അതു ദൈവം ആരിൽ നിന്നും എടുത്തു മാറ്റുന്നില്ല. നിങ്ങൾക്ക് ഒരു ദൈവപുത്രനായിത്തീരുവാനുള്ള തിരഞ്ഞടുപ്പും ആകാം; സ്വയമായി ജീവിക്കുവാനുള്ള തിരഞ്ഞെടുപ്പും ആകാം. എന്നാൽ നിങ്ങൾ എന്തു തിരഞ്ഞടുത്താലും അതിന്റെ ഫലം ഒടുവിൽ അനുഭവിക്കേണ്ടി വരും.

‘മനുഷ്യൻ വിതയ്ക്കുന്നതു കൊയ്യും’ എന്നു ബൈബിൾ പറയുന്നു. ‘ഒരിക്കൽ മരണവും പിന്നെ ന്യായവിധിയും ദൈവം മനുഷ്യർക്കു നിയമിച്ചിരിക്കുന്നു’ എന്നും ബൈബിൾ പറയുന്നു. എന്നാൽ എഴുതപ്പെട്ട നിയമത്തിന്റെ വെളിച്ചത്തിൽ സ്വന്ത ഹിതപ്രകാരമല്ല ഈ ന്യായവിധി നടത്തുന്നത്. മറിച്ചു മനുഷ്യന്റെ തിരഞ്ഞെടുപ്പുകൾക്കനുസതമായിട്ടാണ്.

ഈ തത്വം വിവാഹ ജീവിതത്തിനും ബാധകമാണ്. നിങ്ങൾക്കു സന്തുഷ്ടമായ ഒരു ദാമ്പത്യ ജീവിതം വേണമോ അതോ ദുരിത പൂർണ്ണമായ ഒന്നു വേണോ എന്നു സ്വയം തിരഞ്ഞെടുക്കാം. ആ തിരഞ്ഞെടുപ്പു നിങ്ങളുടേതാണ്. ദൈവത്തിന്റേതല്ല. തന്റെ ജീവിതം ദൈവത്തിനു സമർപ്പിക്കണമോ പിശാചിനു നൽകണമോ എന്നു തിരഞ്ഞെടുക്കുവാനുള്ള സ്വാതന്ത്ര്യം ആദമിനുണ്ടായിരുന്നു.

അതുകൊണ്ട് ഇന്നു സന്തോഷിനോടും മെഗനോടും നിങ്ങളുടെ ദാമ്പത്യ ജീവിതത്തിലെ തിരഞ്ഞെടുപ്പുകളെക്കുറിച്ചു പറയുവാൻ ഞാൻ ആഗ്രഹിക്കുന്നു:

ദൈവത്തിൽ കേന്ദ്രീകരിക്കുക, നിങ്ങളിലല്ല

ഒന്നാമതായി, നിങ്ങളുടെ ജീവിത്തിന്റെ എല്ലാ മേഖലകളും ദൈവത്തിൽ കേന്ദ്രീകൃതമായിരിക്കണമെന്ന കാര്യം തിരഞ്ഞെടുക്കുക.

ഏദൻ തോട്ടത്തിൽ രണ്ടു വൃക്ഷങ്ങൾ ഉണ്ടായിരുന്നു. അവ രണ്ടു തരത്തിലുള്ള ജീവിതങ്ങളെ പ്രതിനിധാനം ചെയ്യുന്നു. ജീവന്റെ വൃക്ഷം ദൈവത്തിൽ കേന്ദ്രീകൃതമായ ഒരു ജീവിതത്തെ പ്രതിനിധാനം ചെയ്യുന്നു. മനുഷ്യന്റെ എല്ലാ തീരുമാനങ്ങളുടെയും കേന്ദ്രബിന്ദു ദൈവമായിരിക്കുക എന്നതാണത്. എന്നാൽ നന്മ തിന്മകളെക്കുറിച്ചുള്ള അറിവിന്റെ വ്യക്ഷം, ഒരു കാര്യവും ദൈവത്തോട് ആലോചിക്കാതെ സ്വയത്തിൽ കേന്ദ്രീകരിച്ചു സ്വയം തീരുമാനിക്കുന്നതാണ്. ആദമിനെയും ഹവ്വയെയും തോട്ടത്തിലേക്ക് അയച്ചപ്പോൾ ഇതിൽ ഏതു വേണമെങ്കിലും തിരഞെഞ്ഞെടുക്കാമെന്നുള്ള സ്വാതന്ത്ര്യം നൽകിയിരുന്നു. നമുക്കറിയാം ആദാം ഏതാണു തിരഞ്ഞെടുത്തതെന്ന്. അവൻ തന്നിൽത്തന്നെ കേന്ദ്രീകരിച്ചുള്ള ജീവിതമാണു തിരഞ്ഞെടുത്തത്.

നന്മയും തിന്മയും തിരിച്ചറിയുന്നതു തന്നിൽ നിന്നു തന്നെയാകണമെന്നു മനുഷ്യൻ തിരഞ്ഞെടുത്തതിൽ നിന്നാണ് ഇന്നു നാം കാണുന്ന അരിഷ്ടതയും ദുഃഖവും കൊലപാതകങ്ങളും ഹീനമായ മറ്റെല്ലാ തിന്മകളും ലോകത്തിൽ നടമാടുന്നത്. നന്മയും തിന്മയും ദൈവത്തിന്റെ അറിവിൽ നിന്നു വരണമെന്ന് അവൻ ആഗ്രഹിച്ചില്ല. ചില ക്രൈസ്തവ വിവാഹങ്ങളുൾപ്പെടെ അസന്തുഷ്ടമായ എല്ലാ വിവാഹ ജീവിതത്തിന്റേയും വേരുകൾ അവിടെ ആണ്. ഒട്ടു മിക്ക ക്രിസ്ത്യാനികളും തങ്ങളുടെ ജീവിതത്തിന്റെ കേന്ദ്രസ്ഥാനം സ്വയത്തിലാണു വച്ചിരിക്കുന്നത്. അവർ വിതയ്ക്കുന്നതു കൊയ്യുന്നു.

ദൈവം ആദമിനെ ഈ ഭൂമിയെ വാഴുവാനായി സൃഷ്ടിച്ചു. ഒരു അടിമയായല്ല, രാജാവായിരിക്കുവാനാണ് അവൻ സൃഷ്ടിക്കപ്പെട്ടത്. ഹവ്വ ആദമിനൊപ്പം ഒരു രാജ്ഞി ആയിരിക്കുവാനാണ് സൃഷ്ടിക്കപ്പെട്ടത്. എന്നാൽ ഇന്നു നാം കാണുന്നതെന്താണ്? അടിമകളായിരിക്കുന്ന സ്ത്രീ പുരുഷന്മാർ. തങ്ങളുടെ മോഹങ്ങൾക്കും വികാരങ്ങൾക്കും ജീർണ്ണമയമായ എല്ലാ ജഡികതകൾക്കും അടിമകൾ.

ദൈവം ഭൂമിയെ സൃഷ്ടിച്ചപ്പോൾ മനോഹരമായിട്ടാണ് അതിനെ സൃഷ്ടിച്ചത്. വിലക്കപ്പെട്ട വൃക്ഷം പോലും മനോഹരമായിരുന്നു. അതിന്റെ മുമ്പിൽ നില്ക്കുമ്പോൾ അവർക്ക് ഒരു തിരഞ്ഞെടുപ്പു നടത്തേണ്ടതുണ്ടായിരുന്നു. അവർ തങ്ങൾക്കായി ദൈവം സൃഷ്ടിച്ച മനോഹര വസ്തുക്കളെ തിരഞ്ഞടുക്കുമോ അതോ ദൈവത്തെ തന്നെ തിരഞ്ഞെടുക്കുമോ? നമുക്കെല്ലാം ഓരോ ദിവസവും നടത്തേണ്ട ഒരു തിരഞ്ഞെടുപ്പാണുള്ളത്. നമ്മുടെ ജീവിതം സ്വയത്തിൽ കേന്ദ്രീകൃതമെങ്കിൽ നാം എല്ലാ സമയത്തും ദൈവം സൃഷ്ടിച്ചവയെ മാത്രം തിരഞ്ഞെടുക്കുന്നവരാകും. വീടുകളിൽ സംഭവിക്കുന്ന എല്ലാ കലഹങ്ങളും ഭൗതിക വസ്തുക്കളുടെ പേരിലാണല്ലോ. ഈ കലഹങ്ങൾക്കു കാരണം ഭാര്യാ ഭർത്താക്കന്മാർ ദൈവത്തെ സ്നേഹിക്കുന്നതിനു പകരം സൃഷ്ടിക്കപ്പെട്ട വസ്തുക്കളെ സ്നേഹിക്കുന്നതാണ്. ഒടുവിൽ അവർ വിതയ്ക്കുന്നതു തന്നെ കൊയ്യുന്നു. അവർ ജഡത്തിൽ വിതച്ചു നാശം കൊയ്യുന്നു. സ്രഷ്ടാവിനു പകരം സൃഷ്ടിയെ തിരഞ്ഞെടുക്കുന്ന മനുഷ്യൻ അടിമത്തത്തിലേക്കു പോകുന്നു.

ഈ അടിമത്തത്തിൽ നിന്നും നമ്മെ മോചിപ്പിക്കുന്നവനാണ് യേശു വന്നത്. ഇന്നു മനുഷ്യൻ ധനത്തിനും നൈതികമല്ലാത്ത ലൈംഗിക രസങ്ങൾക്കും, മറ്റു മനുഷ്യരുടെ അഭിപ്രായങ്ങൾക്കും മറ്റു പലതിനും ഒക്കെ അടിമകളാണ്. അവൻ സ്വതന്ത്രനല്ല. ആകാശത്ത് ഉയരെ പറക്കുന്ന കഴുകനെപ്പോലെ സ്വതന്ത്രനായിരിക്കുവാനാണ് അവൻ സൃഷ്ടിക്കപ്പെട്ടത്. പക്ഷേ എല്ലായിടത്തും മനുഷ്യൻ തന്റെ വികാരങ്ങളെ, തന്റെ നാവിനെ, തന്റെ കണ്ണുകളെ നിയന്ത്രിക്കാൻ കഴിയാതെ ചങ്ങലകളാലെന്ന പോലെ ബന്ധിതനായി കാണപ്പെടുന്നു. യേശു വന്നതു നമ്മുടെ പാപങ്ങൾക്കു വേണ്ടി മരിക്കുവാൻ മാത്രമല്ല, അടിമത്തത്തിൽ നിന്നു നമ്മെ മോചിപ്പിക്കുവാൻ കൂടിയാണ്.

എനിക്കു സന്തോഷിനോടും മെഗനോടും പറയുവാനുള്ളത് ആദം നടത്തിയ തിരഞ്ഞെടുപ്പിനെ നിങ്ങൾ തിരസ്കരിക്കുമെങ്കിൽ സന്തുഷ്ടമായ ഒരു ജീവിതം നിങ്ങൾക്കു സാദ്ധ്യമാണ്. ദൈവത്തോട് ഇങ്ങനെ പറയുക: “ഞങ്ങൾ സ്വയത്തിലല്ല അങ്ങയിൽ കേന്ദ്രീകൃതമായ ഒരു ജീവിതം ആഗ്രഹിക്കുന്നു. ഞങ്ങളുടെ ജീവിതത്തിന്റെ എല്ലാ മേഖലകളും അങ്ങയിൽ കേന്ദ്രീകൃതമായിരിക്കുവാൻ ഞങ്ങൾ ആഗ്രഹിക്കുന്നു.” ‘ദൈവം വെളിച്ചമാണ്’ ‘ദൈവം സ്നേഹമാണ്’ എന്നെല്ലാം ബൈബിൾ പറയുന്നു. ഇരുട്ടു നിറഞ്ഞ മുറിയിൽ നിന്നു വെളിച്ചത്തിന്റെ ശക്തി ഇരുട്ടിനെ പുറത്താക്കുന്നു. ദൈവത്തിന്റെ ശക്തിയും അപ്രകാരമാണ്. ദൈവശക്തി കൂടാതെയുള്ള, ദൈവസ്നേഹം കൂടാതെയുള്ള ജീവിതം ഇരുളിലാണ്.

ഈ ഭൂമിയിലെ നമ്മുടെ ജീവിതം നിത്യതയ്ക്കു വേണ്ടിയുള്ള ഒരു പരീക്ഷണ കാലഘട്ടമാണ്. നിത്യതയിൽ എല്ലാം സ്നേഹത്തിന്റെ പ്രമാണത്താലാണ് ഭരിക്കപ്പെടുന്നത്. ഇവിടുത്തെ ഓരോ സന്ദർഭവും സാഹചര്യവും നമ്മെ ഓരോ മേഖലകളിൽ പരിശോധിക്കുവാൻ ദൈവം ഉപയോഗിക്കുന്നു – അവിടെ നാം സ്നേഹത്തിന്റെ പ്രമാണത്തിൽ നില നില്ക്കുമോ എന്നറിയുവാൻ. അതുകൊണ്ടാണ് നമ്മുടെ ജീവിതത്തിൽ അടിക്കടി ശോധനകളും കഷ്ടങ്ങളും കടന്നു വരുന്നത്. നമുക്ക് ഒരു ബുദ്ധി മുട്ടും വരാതെയുള്ള ഒരു ജീവിതം നൽകുവൻ സർവ്വശക്തനായ ദൈവത്തിനു കഴിയും. എന്നാൽ നാം സ്നേഹിക്കുവാൻ പഠിക്കേണ്ടതിനാണ് ദൈവം തന്റെ ജ്ഞാനത്തിൽ ക്ലേശങ്ങളിലൂടെ കടന്നു പോകുവാൻ നമ്മെ അനുവദിക്കുന്നത്. നാം നമ്മുടെ സ്വാർത്ഥതയെ ജയിക്കുകയും സ്നേഹത്തിൽത്തന്നെ ജീവിതം നയിക്കും എന്നു നിർണ്ണയിക്കുകയും ചെയ്യുന്നു എങ്കിൽ നമ്മെ തന്റെ വരാനിരിക്കുന്ന രാജ്യത്തിൽ വാഴുന്നവരാക്കി ഒരുക്കിയെടുക്കും. ഇപ്പോൾ നാം അതെക്കുറിച്ചു ചിന്തിക്കുന്നില്ലെങ്കിൽ പഠിക്കാൻ ദൈവം നൽകിയ പാഠങ്ങൾ പഠിക്കാത്തതിനെക്കുറിച്ചും ഭൂമിയിൽ നൽകിയ അവസരങ്ങൾ പാഴാക്കിയതിനെക്കുറിച്ചും നിത്യതയിൽ ഖേദിക്കുന്നവരായിത്തീരും.

നിങ്ങളുടെ വിവാഹത്തിൽ നിങ്ങൾ നടത്തേണ്ട തിരഞ്ഞെടുപ്പ് ഇതാണ്: സ്നേഹത്തിന്റെ പ്രമാണത്തിലോ അതോ സ്വാർത്ഥതയുടെ പ്രമാണത്തിലോ നിങ്ങൾ ജീവിതം നയിക്കുവാൻ പോകുന്നത്? ദൈവം നിങ്ങളുടെ ജീവിതത്തിന്റെ കേന്ദ്ര സ്ഥാനത്തെങ്കിൽ നിങ്ങളുടെ ജീവിതത്തിലെ ചെറുതും വലുതുമായ എല്ലാക്കാര്യങ്ങളിലൂടെയും ദൈവ സ്നേഹം നിങ്ങളെ നയിക്കും.

മുഖം മൂടിയില്ലാതെ പരസ്പരം അംഗീകരിക്കുക

എനിക്കു പറയുവാനുള്ള രണ്ടാമത്തെ കാര്യം ഇതാണ്: യഥാർത്ഥ അവസ്ഥയിൽ പരസ്പരം അംഗീകരിക്കുക. പൊയ്മുഖം അണിയാതിരിക്കുക.

പാപം കടന്നു വരുന്നതിനു മുമ്പ് “ആദവും ഹവ്വയും നഗ്നരായിരുന്നു. അവർക്കു നാണം തോന്നിയില്ല താനും.” അവർ എല്ലാം തുറന്നു പറയുന്നവരും സത്യസന്ധരും ഒന്നും ഒളിച്ചു വയ്ക്കാനില്ലാത്തവരുമായിരുന്നു. പാപം ചെയ്തതോടെ കാര്യങ്ങൾ വ്യത്യസ്തമായി. അവർ അത്തിയില കൊണ്ടു തങ്ങളെ ത്തന്നെ പൊതിഞ്ഞു. എന്തിനായിരുന്നു അത്? അവിടെ ഏദനിൽ ഒളിഞ്ഞു നോക്കുന്നവരോ ഒളിക്യാമറകളോ ഒന്നും ഉണ്ടായിരുന്നില്ല. മൃഗങ്ങൾ കാണാതെയിരിക്കാനല്ല എന്നതും തീർച്ച. പിന്നെന്തിനായിരുന്നു അത്തിയില കൊണ്ടുള്ള വസ്ത്രം? അവർ പരസ്പരം മറയ്ക്കുകയായിരുന്നു.

പാപത്തിന്റെ ഒരു ഫലം പരസ്പരം മറയ്ക്കലാണ്. തങ്ങളുടെ വ്യക്തത്വത്തിലെ മോശമെന്നു കരുതുന്ന കാര്യങ്ങൾ ആളുകൾ മറച്ചു വയ്ക്കുന്നു. തങ്ങളെക്കുറിച്ചുള്ള കാര്യങ്ങൾ മറ്റുള്ളവർ അറിയുന്നതിൽ പരിഭ്രമിക്കുന്നവരാണ് ആളുകൾ. അതുകൊണ്ട് അവർ മുഖംമൂടി അണിയുന്നു. അവർ പുറമെ സന്തുഷ്ടരെന്നും ശാന്തരെന്നുമുള്ള പൊയ്മുഖം വയ്ക്കുന്നു. അതേ സമയം ഉള്ളിൽ അരിഷ്ടരും പരാജി തരുമത്രേ!

ദാമ്പത്യ ജീവിതത്തിൽ നാം എങ്ങനെയായിരിക്കുന്നുവോ അതു തന്നെയാതൊരു മുഖം മൂടിയുമില്ലാതെ “പച്ചയായി” പ്രകടിപ്പിക്കുവാൻ തയ്യാറാകണം. നമ്മെ മറയ്ക്കുന്ന അത്തിയിലകളോ നാട്യങ്ങളോ വേണ്ട.

തന്നെ മുഴുവനായി അറിഞ്ഞു കൊണ്ടു സ്നേഹിക്കാൻ കഴിയുന്ന ഒരു വ്യക്തിയെ കണ്ടെത്തുവാനുള്ള ആഗ്രഹം എല്ലാവരിലുമുണ്ട്. മറ്റുള്ളവരോടുള്ള ബന്ധത്തിൽ നമുക്കുണ്ടായിട്ടുള്ള അനുഭവങ്ങളാണ് മുഖം മൂടി ധരിക്കുവാൻ നമ്മെ പ്രേരിപ്പിക്കുക. നമ്മെക്കുറിച്ചുള്ള എല്ലാ സത്യങ്ങളും അറിഞ്ഞാൽ മറ്റുള്ളവർ നമ്മ അംഗീകരിക്കുകയില്ലെന്നു നമുക്കറിയാം. അതുകൊണ്ട് അവർക്കു അംഗീകരിക്കാൻ കഴിയുന്ന ഒരു പൊയ്മുഖം നാം അണിയുന്നു. ക്രിസ്ത്യാനികളെ സംബന്ധിച്ചും ഇതു സത്യമാണ്. യേശു ഭൂമിയിൽ ജീവിച്ചിരുന്ന കാലത്ത് ഇപ്രകാരം പൊയ്മുഖം ധരിച്ചു നടന്നിരുന്ന മത ഭക്തരായ ധാരാളം മനുഷ്യരെ കണ്ടിരുന്നു. അക്കാരണത്താൽ തന്നെ അവരെ സഹായിക്കുവാൻ അവിടുത്തേക്കു കഴിഞ്ഞില്ല.

അതുകൊണ്ട് ഇന്നു തന്നെ ഒരു തീരുമാനമെടുക്കുവാൻ ഞാൻ നിങ്ങളെ ഉത്സാഹിപ്പിക്കുന്നു – ഞങ്ങൾ ഒരിക്കലും പൊയ്മുഖമണിയാതെ യഥാർത്ഥത്തിൽ ഉള്ളതു പോലെ പരസ്പരം അംഗീകരിക്കുമെന്ന്. സന്തോഷ്, മെഗൻ തെറ്റു ചെയ്യുമ്പോഴും അവളിൽ കുറവുകൾ കണ്ടെത്തുമ്പോഴും അവളെ അംഗീകരിക്കുവാൻ നീ തയ്യാറാകുമോ? മെഗൻ, സന്തോഷിൽ വീഴ്ചകൾ കണ്ടെത്തുമ്പോൾ അവനെ അംഗീകരിക്കുവാൻ നീ തയ്യാറാകുമോ?

ദൈവത്തെ സംബന്ധിച്ച ഏറ്റവും മനോഹരമായ സത്യം നമ്മെ നാം ആയിരിക്കുമ്പോലെ ദൈവം അംഗീകരിക്കുന്നു എന്നുള്ളതാണ്. ദൈവത്തിന്റെ അംഗീകാരം ലഭിക്കുവാൻ നിങ്ങൾ മെച്ചപ്പെടണമെന്നു പഠിപ്പിക്കുന്ന മതങ്ങളെല്ലാം തന്നെ വ്യാജമാണ്. അത്തരമൊരു മതവുമായിട്ടല്ല യേശു വന്നത്. നമുക്കു നമ്മെ മാറ്റാൻ കഴിയില്ലെന്ന് അവിടുത്തേക്ക് അറിയാം. നാം ആയിരിക്കുന്നതു പോലെ തന്നെ നമ്മെ ദൈവം സ്നേഹിക്കുന്നു എന്ന സന്ദേശവുമായിട്ടാണ് യേശു വന്നത്. ദൈവം നമ്മ അങ്ങനെ തന്നെ സ്വീകരിക്കയും നമ്മെ മാറ്റിയെടുക്കുകയും ചെയ്യുന്നു. ക്രിസ്തു നിങ്ങളെ സ്വീകരിക്കയും അംഗീകരിക്കയും ചെയ്തതുപോലെ നിങ്ങൾ അന്യോന്യം സ്വീകരിക്കണമെന്നു ബൈബിൾ പ്രബോധിപ്പിക്കുന്നു.

ഈ വിഷയത്തെ പ്രതിപാദിക്കുന്ന ഒരു ലേഖനം മുമ്പു വായിച്ചതോർക്കുന്നു. ലേഖകന്റെ പേരു ഞാൻ ഓർക്കുന്നില്ല. ആ ലേഖനം ഇപ്രകാരം പറയുന്നു: “നാം എല്ലാം നമ്മുടെ ജീവിതത്തിൽ ‘ഒളിച്ചുകളി’ കളിക്കുന്നവരെ പോലെയാണ്. നമുക്കു നമ്മെക്കുറിച്ചു ലജ്ജയുള്ളതുകൊണ്ട് നാം മറ്റുള്ളവരിൽ നിന്നും ഒളിച്ചു നില്ക്കുവനാഗ്രഹിക്കുന്നു. നമ്മുടെ ഉള്ളിലുള്ള യഥാർത്ഥ മനുഷ്യനെ മറ്റുള്ളവർ കാണാതിരിക്കേണ്ടതിനു നാം പൊയ്മുഖമണിയുന്നു. നാം പരസ്പരം ഈ പൊയ്മുഖങ്ങളെ കാണുകയും അതിനെ കൂട്ടായ്മ എന്നു വിളിക്കുകയും ചെയ്യുന്നു. നാം സുരക്ഷിതരാണെന്നും സ്വസ്ഥരാണെന്നുമുള്ള ധാരണ ആളുകളിൽ ഉണ്ടാക്കിയെടുക്കുന്നു. എന്നാൽ അതൊരു പൊയ്മുഖം മാത്രമാണ്. അതിനുള്ളിൽ സംശയവും ഭയവും ഏകാന്തതയും അനുഭവിക്കുന്ന യഥാർത്ഥ മനുഷ്യൻ ഒളിച്ചിരിക്കുന്നു. നമ്മ ആളുകൾ കാണുമോ എന്നു നാം ഭയപ്പെടുന്നു. നമ്മുടെ ഉള്ളിലെ ഈ പച്ച മനുഷ്യനെ അവർ കണ്ടാൽ നാം തിരസ്ക്യതതരാകുമോ പരിഹാസ്യരാകുമോ എന്നു നാം ഭയപ്പെടുന്നു. അങ്ങനെ ഒരു കുഞ്ഞിനെപ്പോലെ പേടിച്ചു കഴിയുമ്പോഴും ശാന്തതയുടെയും ആത്മവിശ്വാസത്തിന്റെയും ഒരു മൂടുപടം നാം പുറമെ എടുത്തണിയുന്നു. അങ്ങനെ നമ്മുടെ ജീവിതം തന്നെ ഈ മൂടുപടമായി മാറുന്നു. ആളുകളോടു നാം നർമ്മ ബോധത്തോടെ മധുര സംഭാഷണം നടത്തുന്നു. അപ്പോഴെല്ലാം നമ്മുടെ ഉള്ളിലെ നിലവിളിക്കുന്ന യഥാർത്ഥ മനുഷ്യനെ മറച്ചു പിടിച്ചുകൊണ്ട് നമ്മെക്കുറിച്ച് അപ്രധാനമായ കാര്യങ്ങൾ മാത്രം നാം വെളിപ്പെടുത്തുന്നു.

“നാം മറ്റുള്ളവരാൽ സ്നേഹിക്കപ്പെടുവാനും അംഗീകരിക്കപ്പെടുവാനും ആഗ്രഹിക്കുന്നു. മറ്റുള്ളവർ നമ്മെ മനസ്സിലാക്കണമെന്നു നാം ആഗ്രഹിക്കുന്നു. എന്നാൽ എപ്പോഴൊക്കെ നാം നമ്മുടെ പച്ചയായ യാഥാർത്ഥ്യത്തെ തുറന്നു കാട്ടുമോ അപ്പോഴൊക്കെ നാം തിരസ്കരിക്കപ്പെടുന്നു. നമ്മെക്കുറിച്ചുള്ള എല്ലാ സത്യവും അറിഞ്ഞതിനു ശേഷവും നമ്മെ അംഗീകരിക്കുന്ന ആളുകളെ നാം അന്വേഷിച്ചു കൊണ്ടിരിക്കുന്നു. എന്നാൽ അങ്ങനെയൊരാളിനെ ഒരിക്കലും കണ്ടെത്താൻ നമുക്കു കഴിയുന്നില്ല. ഹൃദയത്തിൽ നിന്നുയരുന്ന സ്നേഹത്തെക്കുറിച്ചു സംസാരിക്കുന്ന വീണ്ടും ജനിച്ച വിശ്വാസികളെ നാം കണ്ടെത്തുന്നു. നമ്മുടെ ഉള്ളിൽ അവർ നമ്മെ അംഗീകരിക്കും, മനസ്സിലാക്കും എന്ന പ്രത്യാശ ഉണരുന്നു. അവരുടെ കൂട്ടത്തിൽ കൂടുമ്പോഴാണ് അവരും വെറും പൊയ്മുഖങ്ങളാണെന്ന സത്യം നാം കണ്ടെത്തുന്നത്. അവരും നമ്മുടെ കുറ്റങ്ങൾ കണ്ടു പിടിക്കുന്നു.

“എന്താണിതിനൊരു പരിഹാരം? ദൈവം നമ്മെ നാം ആയിരിക്കുന്നതു പോലെ അംഗീകരിച്ചിരിക്കുന്നു എന്ന സത്യം നാം കണ്ടെത്തണം. ദൈവം സ്നേഹമാണ്. ദൈവത്തിന്റെ സ്നേഹം നാം അനുഭവിച്ചറിയുമ്പോൾ ആ അനുഭവം നമ്മെ ധൈര്യമുള്ളവരാക്കും. നമുക്കൊരിക്കലും അഭിനയിക്കേണ്ടി വരികയില്ല. മനുഷ്യരുടെ മുമ്പിലും ദൈവത്തിന്റെ മുമ്പിലും നമുക്കു നാമായിത്തന്നെ തുടരാം. ദൈവത്തിന്റെ സ്നേഹം ഒന്നും ചെയ്യുവാൻ നമ്മെ നിർബ്ബന്ധിക്കുന്നില്ല. നമ്മുടെ എല്ലാ അപൂർണ്ണതകളെയും ദൈവം അറിയുന്നു എങ്കിലും കുറ്റപ്പെടുത്താതെ നമ്മെ കൈക്കൊള്ളുന്നു. എന്നാൽ മറുവശത്ത് അവിടുന്നു നമ്മെ പൂർണ്ണരാക്കുവാൻ ആഗ്രഹിക്കുന്നു. ക്രിസ്തീയ സന്തോഷത്തിന്റെ യഥാർത്ഥ അടിസ്ഥാനം, നമ്മെ കാണുകയും അറിയുകയും ചെയ്യുന്ന എല്ലാ കാര്യങ്ങളോടും കൂടെ തന്നെ ദൈവം നമ്മെ കൈക്കൊണ്ടിരിക്കുന്നു എന്ന അറിവാണ്. യേശു നമുക്കു നൽകുവാൻ അഗ്രഹിച്ചു സമൃദ്ധമായ ജീവൻ ഇതുതന്നെ.”

“ദൈവത്തിന്റെ സ്നേഹത്ത അറിയുമ്പോൾ മനുഷ്യരുടെ അംഗീകാരത്തിനു വേണ്ടിയുള്ള നമ്മുടെ അന്വേഷണമെല്ലാം അവസാനിക്കും. നമ്മുടെ ഉള്ളിൽ ഉറപ്പും ധൈര്യവും വളരും. നമ്മുടെ കുറ്റബോധവും ഭയവും ഒക്കെ ഓടിയകലും. നാം ആരുമില്ലാത്തവരായേക്കാം. പക്ഷേ ഏകാന്തത നമ്മെ പിടികൂടുകയില്ല. കാരണം ഞാൻ നിന്നെ ഒരുനാളും ഉപേക്ഷിക്കയില്ല എന്ന വാഗ്ദാനം ചെയ്തവൻ കൂടെയുണ്ട്.

നിങ്ങളുടെ ജീവിത പങ്കാളിയിൽ അംഗീകാരത്തിനു വേണ്ടി ദാഹിക്കുന്ന ഒരു നിലവിളി ഉണ്ടായിരുന്നേക്കാം. കേൾക്കുന്ന ഒരു കാത് നിങ്ങൾക്കുണ്ടായിരിക്കേണ്ടത് ആവശ്യമാണ് സംസാരിക്കുന്ന വാക്കുകൾക്കു മാത്രമല്ല വാക്കുകൾക്കപ്പുറത്തു ഹൃദയത്തിലെ വിങ്ങലുകൾക്കും നിശ്ശബ്ദ സംഭാഷണങ്ങൾക്കും.

ദൈവം പോലും നാം ആയിരിക്കുന്ന അവസ്ഥയിൽ നമ്മെ സ്വീകരിക്കുന്നു എന്നു വിശ്വസിക്കാൻ നമുക്കു കഴിയുന്നില്ല എന്നതാണ് നമ്മുടെ ഏറ്റവും വലിയ ദുരന്തം. അതുകൊണ്ടു നാം അവിടുത്തെ മുമ്പാകെയും നമ്മെ മറയ്ക്കുന്നു. ആദമും ഹവ്വയും ചെയ്തത് അതാണ്. അവർ ദൈവദൃഷ്ടിയിൽ നിന്നും തങ്ങളെ മറയ്ക്കുവാൻ ഒരു മരത്തിന്റെ പിന്നിൽ ഒളിച്ചു.

ഒട്ടേറെ ഭാര്യാ ഭർത്താക്കന്മാരും തങ്ങളെ ദൈവം അംഗീകരിച്ചിരിക്കുന്നു എന്ന സന്തോഷം തങ്ങളിൽത്തന്നെ അനുഭവിക്കുവാൻ കഴിയാത്തതിനാൽ പരസ്പരം സ്നേഹിക്കാനും കഴിയാത്തവരാണ്. അവർക്കു ക്രിസ്തുവിനെ ലഭിച്ചിട്ടില്ല. മതഭക്തി മാത്രമാണു ലഭിച്ചത്. ക്രിസ്തുവില്ലാത്ത ക്രിസ്തീയതയെ ആളുകൾക്കു കൊടുക്കുന്നതാണ് പിശാചിന്റെ ഏറ്റവും വലിയ തന്ത്രം. അതു ആളുകളെ അരിഷ്ടരാക്കി തീർക്കുന്നു. അത്തരം മതങ്ങളെ ആളുകൾ ഉപേക്ഷിക്കുന്നു. കാരണം അതു സത്യമല്ല. യഥാർത്ഥ ക്രിസ്തീയത ക്രിസ്തു തന്നെയാണ്.

യേശുക്രിസ്തുവിൽ കേന്ദ്രീകൃതമായ ഓരോ ഭവനവും സമാധാന പൂർണ്ണമായിരിക്കും. അവിടെ ഭാര്യാ ഭർത്താക്കന്മാർ സമാധാന പൂർണ്ണരായിരിക്കും. അവിടെ ഭാര്യാ ഭർത്താക്കന്മാർ പരസ്പരം മനസ്സിലാക്കുന്നു. ദൈവം തങ്ങളെ അംഗീകരിച്ചിരിക്കുന്നു എന്ന ബോധ്യമുള്ളതു കൊണ്ട് അവരും ആയിരിക്കുന്ന അവസ്ഥയിൽ പരസ്പരം അംഗീകരിക്കുന്നു. അത്തരത്തിലുള്ള ഒരു കുടുംബമാണ് നിങ്ങൾ പണിയേണ്ടത്.

നിങ്ങൾ അശുദ്ധരും നാശത്തിൽ കിടന്നവരുമായിരുന്നപ്പോഴാണ് യേശുക്രിസ്തു നിങ്ങളെ സ്വീകരിച്ചത്. നിങ്ങൾ അവിടുത്തേക്കു പ്രസാദകരമായത് ഒന്നും ചെയ്തതുകൊണ്ടല്ല. അവിടുത്തെ സന്തോഷിച്ചപ്പോഴല്ല. നിങ്ങൾ തിന്മ നിറഞ്ഞവരും അവിടുത്തെ വേദനിപ്പിച്ചുകൊണ്ടിരുന്നതുമായ അവസ്ഥയിലാണ് നിങ്ങളെ സ്നേഹിച്ചതും സ്വീകരിച്ചതും. അപ്രകാരം തന്നെ ഉപാധികളില്ലാതെ നിങ്ങളുടെ പങ്കാളിയെ സ്നേഹിക്കുവാനായി കർത്താവു നിങ്ങളെ വിളിച്ചിരിക്കുന്നു. നിങ്ങൾ നൽകുന്ന സ്നേഹത്തിനു കാരണം അന്വേഷിക്കാതെ.

നിങ്ങൾ ഒന്നിച്ചു ജീവിച്ചു തുടങ്ങു മ്പോൾ ഇപ്പോൾ കാണാൻ കഴിയാത്ത കുറവുകളൊക്കെ കണ്ടു തുടങ്ങും. അപ്പോഴും പരസ്പരം സ്നേഹിക്കുവാൻ നിങ്ങളെ പ്രാപ്തരാക്കുന്നത് ദൈവം നിങ്ങളിൽ കുറവുകൾ കണ്ടിട്ടും നിങ്ങളെ അംഗീകരിക്കയും സനേഹിക്കയും ചെയ്തു എന്ന ബോധ്യമാണ്. ഇന്നും നിങ്ങൾക്കു പോലും കഴിയാത്ത പലതും ദൈവം നിങ്ങളിൽ കാണുന്നുണ്ട് എങ്കിലും അവിടുന്നു നിങ്ങളെ അംഗീകരിച്ചിരിക്കുന്നു.

ഇപ്രകാരം നിങ്ങൾ പരസ്പരം സ്നേഹിക്കുന്നു എങ്കിൽ നിങ്ങൾ ഒളിച്ചിരിക്കാൻ വേണ്ടി പണിതുയർത്തിയിരിക്കുന്ന എല്ലാ ചുമരുകളും നിങ്ങൾ ഇടിച്ചു കളയും. ആ ചുമരുകളേക്കാൾ ശക്തിയും ഉറപ്പുള്ളതാണ് ദൈവത്തിന്റെ സ്നേഹം. അത് അവയെ ക്രമേണ ഇടിച്ചു കളയും. അങ്ങനെ നിങ്ങൾ സത്യത്തിൽ ഒന്നായിത്തീരും.

മേൽ പ്രസ്താവിച്ച ലേഖനത്തിന്റെ അവസാന ഭാഗം കൂടെ ഉദ്ധരിക്കട്ടെ: “നിങ്ങളുടെ ദയയും സൗമ്യതയും പങ്കാളിയുടെ വികാരങ്ങളെ മനസ്സിലാക്കുവാനുള്ള നിങ്ങളുടെ എല്ലാ ശ്രമങ്ങളും നിങ്ങളുടെ പങ്കാളിയിൽ ചിറകു മുളപ്പിക്കും. തുടക്കത്തിൽ ചെറുതും ബലഹീനവുമായിരിക്കും അവ. എങ്കിലും ചിറകുകൾ തന്നെ ആയിരിക്കും അവ. മടുത്തു പോകാതെ മുമ്പോട്ടു തന്നെ നിങ്ങൾ പോകുന്നു എങ്കിൽ അവ ശക്തി പ്രാപിക്കും. ഒരു ദിവസം ദൈവം നിങ്ങളെക്കുറിച്ചു അഗ്രഹിക്കുന്നതു പോലെ നിങ്ങൾ ഇരുവരും ആകാശത്തിൽ ചിറകടിച്ചു പറക്കും.”

ഒരുമിച്ചു കാര്യങ്ങളെ ചെയ്യുക – നിങ്ങൾ സാത്താനെ ജയിക്കും

മൂന്നാമതു നിങ്ങൾ നടത്തേണ്ട തിരഞ്ഞെടുപ്പ് ഒരുമിച്ചു കാര്യങ്ങളെ ചെയ്യണമെന്നതാണ്.

ആദമിനെയും ഹവ്വയെയും തോട്ടത്തിലേക്കയച്ചപ്പോൾ അവരെ ഒരുമിച്ചാണ് ദൈവം അയച്ചത്. എന്നാൽ സാത്താൻ കടന്നു വന്നു ഹവ്വയെ മാത്രം വേർപെടുത്തി അവളോടു മാത്രമായി സംസാരിച്ചു. ആദം മാറി നിന്നുകൊണ്ടു വിധിനിർണ്ണായകമായ ആ തീരുമാനം ഒറ്റയ്ക്ക് എടുക്കാൻ ഭാര്യയെ അനുവദിക്കുകയും ചെയ്തു. “അല്പം കാത്തിരിക്കു. നാം ആ വൃക്ഷത്തിൽ നിന്നും തിന്നു കൂടാ എന്നു ദൈവം കല്പിച്ചത് ഓർമ്മിക്കുക” എന്ന് അവനു പറയുവാൻ കഴിയുമായിരുന്നു. അവൻ അതു പറഞ്ഞിരുന്നു എങ്കിൽ കാര്യങ്ങൾ എത്ര വ്യത്യസ്തമാകുമായിരുന്നു!

ഭാര്യാ ഭർത്താക്കന്മാർ ഒറ്റയ്ക്ക തീരുമാനങ്ങൾ എടുക്കുകയും പ്രവർത്തിക്കുകയും ചെയ്യുമ്പോഴാണ് പ്രശ്നങ്ങൾ ഉണ്ടാകുന്നത്. നിങ്ങൾക്ക് ഒറ്റയ്ക്ക് സാത്താനെ നേരിടാൻ സാധ്യമല്ല. നിങ്ങളുടെ ജീവിതത്തെയും കുടുംബത്തെയും കുഴപ്പത്തിലാക്കുവാൻ സന്ദർഭങ്ങൾ അന്വേഷിച്ചു നടക്കുകയാണു സാത്താൻ. സാത്താൻ ആക്രമണം ആരംഭിച്ചതു തന്നെ കുടുംബ ബന്ധത്തിലാണ്. അതു തന്നെ ഇന്നും തുടരുന്നു. മോഷ്ടിക്കുവാനും അറുക്കുവാനും മുടിക്കുവാനും അല്ലാതെ സാത്താൻ വരുന്നില്ല എന്നു യേശു പറഞ്ഞു. എന്നാൽ നിങ്ങൾ ഒന്നിച്ചു നില്ക്കുന്നു എങ്കിൽ നിങ്ങൾ സാത്താനെ ജയിക്കും.

സഭാപ്രസംഗി 4:9-12-ൽ ഇങ്ങനെ പറയുന്നു: “ഒരുവനെക്കാൾ ഇരുവർ ഏറെ നല്ലത്… വിണാൽ ഒരുവൻ മറ്റവനെ എഴുന്നേൽപ്പിക്കും… ഒരുവനെ ആരെങ്കിലും ആക്രമിച്ചാൽ രണ്ടു പേർക്ക് അവനോട് എതിർത്തു നില്ക്കാം. ഒറ്റയ്ക്കു നിന്നാൽ ആകമിക്കപ്പെട്ടു പരാജയപ്പെടാൻ സാദ്ധ്യ തയുണ്ട്. മുപ്പിരിച്ചരട് വേഗത്തിൽ അറ്റു പോകയില്ല.”

മത്തായി 18:18-20 വാക്യങ്ങളിൽ കാണുന്ന അത്ഭുതകരമായ ഒരു വാഗ്ദാനത്തോടു ബന്ധമുണ്ട് ഈ വാക്യങ്ങൾക്ക്. ഐക്യത ഇല്ലാത്തതുകൊണ്ട് അധികം ഭാര്യാഭർത്താക്കന്മാർക്കും ഈ വാഗ്ദാനം അവകാശമാക്കാൻ കഴിയുന്നില്ല. ഈ വാഗ്ദാനം നിങ്ങളിലേക്കു പകരുവാൻ ഞാൻ ആഗ്രഹിക്കുന്നു. കാരണം കഴിഞ്ഞ 38 വർഷങ്ങളായി എന്റെയും ആനിയുടെയും ജീവിതത്തിൽ പ്രാർത്ഥനകൾക്ക് ഉത്തരം ലഭിക്കുവാൻ അതു സഹായകരമായിരുന്നു.

ഇവിടെ പറയുന്നത്: നിങ്ങളിൽ രണ്ടു പേർ ആത്മാവിൽ ഐക്യത്തോടെ പ്രാർത്ഥനയിൽ എന്തു യാചിച്ചാലും അതു സ്വർഗ്ഗസ്ഥനായ പിതാവ് അവർക്കു നൽകും (വാ.19). കാരണം യേശുക്രിസ്തു നിങ്ങളുടെ നടുവിലുണ്ട് (വാ. 20). നിങ്ങളിൽ രണ്ടുപേർക്ക് യേശുക്രിസ്തു നിങ്ങളുടെ മദ്ധ്യത്തിലുമായിരുന്നുകൊണ്ട് സാത്താന്റെ പ്രവൃത്തികളെ ബന്ധിക്കുവാൻ കഴിയും. അവ കെട്ടപ്പെട്ടിരിക്കും (വാ.18). അങ്ങനെ നിങ്ങൾ മൂവരും ഒരു മുപ്പിരിച്ചരടുപോലെ അറ്റു പോകാത്ത ഒന്നായി മാറും.

നിങ്ങളുടെ ജീവിതത്തിലെ എല്ലാ പ്രശ്നങ്ങളും പരിഹരിക്കുവാൻ ദൈവത്തിനു കഴിയും. മനുഷ്യർക്കു പരിഹാരം കാണാൻ കഴിയാത്ത ഒട്ടേറെ പ്രശ്നങ്ങളിലൂടെ നിങ്ങൾ കടന്നു പോകും. ഇതേസമയം, ദൈവത്തിനു പരിഹരിക്കാൻ കഴിയാത്ത ഒരു പ്രശ്നവുമില്ല. എന്നാൽ ദൈവം നിങ്ങളുടെ പ്രശ്നങ്ങൾ പരിഹരിക്കണമെങ്കിൽ നിങ്ങൾ തമ്മിൽ ഐക്യത കൂടിയേ കഴിയൂ. അതു കൊണ്ട് ഒരുമിച്ചു നിന്നു പ്രവർത്തിക്കുക.

പങ്കാളിയെ വ്രണപ്പെടുത്തി എന്നു തോന്നിപ്പിക്കുന്ന എല്ലാ കാര്യങ്ങളിലും ക്ഷമ ചോദിക്കുക. അതിനു വേണ്ടി കാത്തിരുന്നു ആലോചിക്കരുത്. പെട്ടെന്നു തന്നെ ചെയ്യണം. എന്തെല്ലാം നഷ്ടപ്പെടേണ്ടി വന്നാലും എന്തു വിലയും നൽകി നിങ്ങളുടെ ഐക്യം സൂക്ഷിക്കുക. അങ്ങനെയെങ്കിൽ നിങ്ങൾ പ്രാർത്ഥിക്കുന്ന ഏതു കാര്യത്തിലും ദൈവം വേഗം ഉത്തരം നൽകും. സാത്താന് ഒരിക്കലും നിങ്ങളുടെ ജീവിതത്തിലേക്കു വരാൻ കഴികയില്ല. അതു ദൈവത്തിന്റെ വാഗ്ദാനമാണ്.

ഒരു കാര്യം കൂടി പറഞ്ഞുകൊണ്ട് ഞാൻ ഈ ചിന്ത ഉപസംഹരിക്കട്ടെ: സ്നേഹത്തിലല്ലാതെ നിങ്ങൾ പറയുന്ന, ചെയ്യുന്ന, ചിന്തിക്കുന്ന ഏതു വാക്കും പ്രവൃത്തിയും ഒരു ദിവസം നശിച്ചുപോകും. നിങ്ങളിലുള്ള ദൈവസ്നേഹം എല്ലാ പ്രയാസങ്ങളെയും തരണം ചെയ്യുവാൻ നിങ്ങളെ പ്രാപ്തരാക്കും. അത് അടഞ്ഞ വാതിലുകളെ തുറക്കും. മതിൽക്കെട്ടുകളെ തകർക്കും. നിങ്ങൾ സ്നേഹത്തെ പിന്തുടരുമെങ്കിൽ ലോകത്തിലെ ഏറ്റവും സന്തുഷ്ടമായ കുടുംബ ബന്ധമായിരിക്കും നിങ്ങളുടേത്.

ശരിയായ പങ്കാളിയെ കണ്ടെത്തുക എന്നതു മാത്രമല്ല ആവശ്യം – അതു നിങ്ങൾ ചെയ്തു കഴിഞ്ഞിരിക്കുന്നു. ഇനി നിങ്ങളുടെ ദാമ്പത്യ ജീവിതത്തിലങ്ങോളം ശരിയായ തിരഞ്ഞടുപ്പുകൾ നടത്തേണ്ടിയിരിക്കുന്നു. സ്നേഹത്തിന്റെ ഈ പ്രമാണം ഇന്നു തന്നെ നിങ്ങൾ സ്വന്തമാക്കാമെങ്കിൽ നിങ്ങൾ ഒരു നല്ല ആരംഭം കുറിച്ചിരിക്കുന്നു എന്നു പറയാം. ഓരോ ദിവസവും ഈ പ്രമാണത്തിൽ നടക്കുന്നു എങ്കിൽ വഴി തെറ്റിയ ഒരു തലമുറയ്ക്ക്, ദൈവഭയമില്ലാത്ത ഒരു കൂട്ടത്തിന്, ദൈവ സ്നേഹം എല്ലാ സാഹചര്യങ്ങളേയും അതിജീവിച്ച് എന്നേക്കും നില നില്ക്കും എന്നതിന് ഒരു സാക്ഷ്യം നൽകുവാൻ നിങ്ങൾക്കാകും. അങ്ങനെ ദൈവനാമം നിങ്ങളിൽ മഹത്വപ്പെടും.

നിങ്ങളുടെ കുടുംബ ജീവിതം കർത്താവിന്റെ നാമത്തിന് ഒരു സാക്ഷ്യമായിരിക്കുവാൻ ഞാൻ പ്രാർത്ഥിക്കുന്നു. ഈ കേട്ട വചനങ്ങൾ നിങ്ങളുടെ ജീവിതത്തിൽ വെറും വാക്കുകളായിട്ടല്ല നിങ്ങളിൽ വചനം ജഡമായിത്തീരുവാൻ ഞാൻ പ്രാർത്ഥിക്കുന്നു. അങ്ങനെ നിങ്ങളുടെ കുടുംബം മറ്റുള്ളവർക്ക് ഒരു വിളക്കായിത്തീരട്ടെ.

ലോകം മുഴുവൻ മുട്ടുള്ളവരെ ക്കൊണ്ടു നിറഞ്ഞിരിക്കുകയാണ്. ദൈവത്തിനു നിങ്ങളുടെ ജീവിതത്തിൽ പ്രവർത്തിച്ചു തന്നെത്തന്നെ വെളിപ്പെടുത്തുവാൻ കഴിഞ്ഞാൽ തന്റെ സ്നേഹം നിങ്ങളിലൂടെ പകരുവാൻ കഴിഞ്ഞാൽ തനിക്കു നിങ്ങളെ ഉപയോഗിക്കുവാൻ കഴിയും.

ദൈവം നിങ്ങളെ ഇരുവരെയും അനുഗ്രഹിക്കട്ടെ. ആമേൻ

ദാമ്പത്യ ജീവിതം ഒരു പൂന്തോട്ടം

(എന്റെ മൂന്നാമത്തെ മകൻ സന്ദീപിന്റെയും ലോറായുടെ വിവാഹ വേളയിൽ നൽകിയ സന്ദേശം)

ആദ്യവിവാഹം ഒരു തോട്ടത്തിൽ ദൈവം തന്നെയാണ് ആശീർവദിച്ചത്. ഇവിടെ ഈ വിവാഹത്തിൽ നാം ആയിരിക്കുമ്പോലെയുള്ള ഒരു ചുറ്റു പാടിൽ ആയിരിക്കുന്നതും നല്ലതു തന്നെയാണ്. നാം ഇരിക്കുന്നതു പോലെയുള്ള ഒരു ഉദ്യാനം തന്നെയായിരുന്നു ഏദൻ വളരെയേറെ മനോഹരമായിരുന്നിരിക്കണം. ഈ വിവാഹത്തിന് ഇവിടെ കൂടിവരുവാൻ കഴിഞ്ഞതിൽ നമുക്കു ദൈവത്തിനു നന്ദി പറയാം.

സന്ദീപ്, ലോറാ, ഞാൻ യെശയ്യാവ് 58:11-ലെ ഒരു വാഗ്ദാനം നിങ്ങൾക്കു നൽകുന്നു: “നീ നനവുള്ള ഒരു തോട്ടം പോലെയാകും.” നിങ്ങളുടെ വിവാഹജീവിതം ‘നനവുള്ള ഒരു തോട്ടം’ പോലെയാകും എന്നു ഞാൻ പറയട്ടെ.

ഉല്പത്തി 2-ൽ നാം ഇപ്രകാരം കാണുന്നു: “യഹോവയായ ദൈവം ഒരു തോട്ടം നട്ടുണ്ടാക്കി. താൻ സൃഷ്ടിച്ച ആണിനെയും പെണ്ണിനെയും അതു കാക്കുവാൻ അവിടെ ആക്കി. അതോടൊപ്പം മറ്റൊരു തോട്ടം കൂടി ദൈവം ആദമിനും ഹവ്വയ്ക്കും നൽകി വേല ചെയ്യുവാനും കാക്കുവാനും. അതു തങ്ങളുടെ വിവാഹ ബന്ധമായിരുന്നു. എന്നാൽ അവർ അതിൽ അദ്ധ്വാനിച്ചില്ല. ഫലം തങ്ങളുടെ ഇടയിൽ പിശാചിനു കടന്നു വരുവാൻ അവർ ഇടം നൽകി.

ദൈവം ഇന്നു ഒരു തോട്ടം നിങ്ങളെ ഏല്പിച്ചിരിക്കുന്നു. വേല ചെയ്യുവാനായി. അവഗണിക്കപ്പെട്ടാൽ ഏതൊരു തോട്ടവും വേഗം തന്നെ വന്യമായിത്തീരും. സദൃശവാക്യങ്ങൾ 24:30-34 വാക്യങ്ങളിൽ മടിയനായ ഒരു മനുഷ്യന്റെ തോട്ടം എപ്രകാരം വന്യമായിത്തീർന്നു എന്നു രേഖപ്പെടുത്തിയിരിക്കുന്നു. ഒട്ടേറെ വിവാഹ ജീവിതങ്ങളിലും സംഭവിച്ചിരിക്കുന്നത് അതു തന്നെയാണ്. എന്നാൽ അതു നിങ്ങളുടെ ജീവിതത്തിൽ സംഭവിക്കുവാൻ പാടില്ല. നിങ്ങളുടെ ദാമ്പത്യ ജീവിതത്തെ സംബന്ധിച്ചുള്ള ദൈവിക വാഗ്ദാനം ഇതാണ്: “അതു നനയ്ക്കുന്ന ഒരു തോട്ടം പോലെയാകും.”

ദൈവ വചനത്തിൽ കാണുന്ന മൂന്നു തരം തോട്ടങ്ങളെക്കുറിച്ചു ഞാൻ നിങ്ങളോടു പറയാം, 1) ഏദൻ തോട്ടം. 2) ഗത്സമന തോട്ടവും കാൽവറിയും. 3) ഉത്തമ ഗീതത്തിലെ കാന്തന്റെ തോട്ടം.

ഏദൻ തോട്ടം

എങ്ങനെയാണു പാപം ഏദൻ തോട്ടത്തിൽ കടന്നു വന്നത്? ആദമിനും ഹവ്വയ്ക്കും ഉണ്ടായിരുന്ന രണ്ടു തെറ്റായ മനോഭാവങ്ങൾ മൂലമാണ് അതു സംഭവിച്ചത്.

ഒന്നാമത്തേത് നിഗളമായിരുന്നു. ദൈവത്തെക്കാൾ അറിവു തങ്ങൾക്കുണ്ടെന്ന് അവർ കരുതി. അനുസരണക്കേട് കാണിച്ച ശേഷം രക്ഷപ്പെടാമെന്നും അവർ വിചാരിച്ചു. ഇന്നും ലോകത്തിലെ ഒട്ടേറെ ആളുകളും വിശ്വസിക്കുന്നത് അങ്ങനെയാണ്.

രണ്ടാമത്തെ മനോഭാവം സ്വാർത്ഥതയായിരുന്നു. ആ ഫലം തിന്നാൽ തങ്ങൾക്കു ലഭിക്കാൻ പോകുന്നതിനെക്കുറിച്ചു മാത്രം അവർ ചിന്തിച്ചു. “സ്ത്രീ ആ ഫലത്തെ നോക്കി തന്റെ കാമനകളെ തൃപ്തിപ്പെടുത്താനും തന്നെ ജ്ഞാനിയാക്കുവാനും അതു നല്ലതെന്നു കണ്ടു.” എന്ന് അവിടെ എഴുതിയിരിക്കുന്നു.

നിഗളവും സ്വാർത്ഥതയുമാണ് പാപത്തിന്റെ ആരംഭ കാരണങ്ങൾ. പ്രകടമാകുന്നതു പല തരത്തിലാണെങ്കിലും ഇന്നു മനുഷ്യരാശിയിലെ സകല പാപങ്ങൾക്കും കാരണം ഇവ തന്നെയാണ്.

അടിസ്ഥാനപരമായി ദൈവത്തിൽ നിന്നു സ്വതന്ത്രമായി തന്നിൽത്തന്നെ കേന്ദ്രീകൃതമായ ഒരു ജീവിതമാണ് എല്ലാ മനുഷ്യനും ആഗ്രഹിക്കുന്നത്. അങ്ങനെയാണു പാപം കടന്നു വരുന്നത്.

ഗെമെനെയും കാൽവറിയും

പാപം കടന്നു വന്നത് ഒരു തോട്ടത്തിലാണ്. നമ്മുടെ രക്ഷയ്ക്കുവേണ്ടി യേശു അദ്ധ്വാനം ചെയ്തതും ഒരു തോട്ടത്തിലാണ്.

ഗമെന തോട്ടത്തെക്കുറിച്ചു വളരെയാളുകൾക്കറിയാം. എന്നാൽ യേശു ക്രൂശിക്കപ്പെട്ടത് ഒരു തോട്ടത്തിലാണെന്ന് അധികം പേർക്കും അറിവില്ല. അതുപോലെ യേശു അടക്കപ്പെട്ടതും. യോഹന്നാൻ 19:41ൽ പറയുന്നു: “യേശുവിനെ ക്രൂശിച്ച സ്ഥലത്തു തന്നെ ഒരു തോട്ടം ഉണ്ടായിരുന്നു. ആ തോട്ടത്തിൽ അതുവരെ ആരെയും വച്ചിട്ടില്ലാത്ത ഒരു കല്ലറ ഉണ്ടായിരുന്നു.”

യേശുവിനെ ഒറ്റിക്കൊടുത്തതും ഒരു തോട്ടത്തിലായിരുന്നു. താൻ ക്രൂശിക്കപ്പെട്ടതും അടക്കപ്പെട്ടതും ഉയിർത്തെഴുന്നേറ്റതും തോട്ടത്തിലായിരുന്നു. നിങ്ങൾക്കു രണ്ടു പേർക്കുമുള്ള രക്ഷ ആ തോട്ടത്തിൽ നിന്നാണു വന്നിരിക്കുന്നത്. ആ തോട്ടത്തിൽ യേശു ചെയ്ത പ്രവൃത്തിയുടെ ഫലം നിങ്ങൾക്കിന്നു സ്വന്തമാക്കാൻ കഴിയും.

യേശുവിന്റെ ഭൂമിയിലെ ജീവിതത്തിലേക്കു നാം നോക്കിയാൽ ആദാമ്യ വർഗ്ഗത്തിൽ കാണുന്ന നിഗളത്തിന്റെയും സ്വാർത്ഥതയുടെയും എതിരായുള്ള കാര്യങ്ങളാണ് നാം അതിൽ കാണുന്നത്. പിതാവ് തന്നെക്കുറിച്ചാഗ്രഹിക്കുന്നതെന്തും – അതു ക്രൂശിൽ തറയ്ക്കപ്പെട്ടുള്ള മരണമായാൽപ്പോലും അനുസരിക്കുവാനുള്ള ഒരു താഴ്മ നാം ക്രിസ്തുവിൽ കണ്ടെത്തുന്നു. യാതൊരു തടസ്സവും പറയാതെ അവിടുന്ന് അതൊക്കെയും നിറവേറ്റുന്നതു തിരഞ്ഞെടുത്തു. മറ്റുള്ളവരുടെ ആവശ്യങ്ങളെക്കുറിച്ചു നിസ്വാർത്ഥമായി ചിന്തിക്കുകയും അവരെ സഹായിക്കുവാൻ ത്യാഗ മനോഭാവം കാട്ടുകയും ചെയ്തു. നിങ്ങൾക്കു രണ്ടുപേർക്കും ഉണ്ടായിരിക്കണമെന്ന് അവിടുന്ന് ആഗ്രഹിക്കുന്നതും ഇതു തന്നെ.

പ്രിയന്റെ തോട്ടം

ഒട്ടേറെ ക്രിസ്ത്യാനികൾക്കും അറിഞ്ഞുകൂടാത്ത ഒരു തോട്ടത്തെക്കുറിച്ചാണ് ഞാൻ മൂന്നാമതായി പറയുവാൻ പോകുന്നത്. ഈ തോട്ടത്തെക്കുറിച്ച് ഉത്തമഗീതത്തിലാണ് പറഞ്ഞിട്ടുള്ളത്. (ഇതു മണവാ മണവാട്ടിയുടെയും ജീവിതം അല്ലെങ്കിൽ ഭാര്യാഭർതൃ ബന്ധത്തെക്കുറിച്ചാണ്).

ഉത്തമഗീതം 4:12ൽ മണവാളൻ പറയുന്നു: “എന്റെ കാന്ത കെട്ടി അടച്ചിരിക്കുന്ന ഒരു തോട്ടമാണ്.” ഇവിടെ കാന്തൻ ക്രിസ്തുവാണ്. നാം അവനു വേണ്ടി മാത്രം കെട്ടി അടച്ചിരിക്കുന്ന ഒരു തോട്ടമാണ്. ഒന്നാമതായി നാം തിരിച്ചറിയേണ്ട ഒരു കാര്യം ഇതു തന്നെയാണ്. നിങ്ങളുടെ വിവാഹ ജീവിതത്തിൽ നിങ്ങൾ ഒരു തോട്ടം നട്ടുണ്ടാക്കണം. അതു നിങ്ങൾക്കു വേണ്ടിയല്ല, മറ്റുള്ളവർക്കു വേണ്ടിയുമല്ല. കർത്താവിനു വേണ്ടിയാണ്. നിങ്ങളുടെ വിവാഹം കർത്താവിനു വേണ്ടിയുള്ള ഒരു സ്വകാര്യ തോട്ടമാണ് എന്നത് എല്ലാപ്പോഴും മനസ്സിൽ കരുതിക്കൊളളുക. അതിന്റെ പാർശ്വഫലം മറ്റുള്ള വരും അനുഗ്രഹിക്കപ്പെടുക എന്നുള്ളതാണ്.

യേശു പഠിപ്പിച്ചത് അതു തന്നെ. ഏറ്റവും വലിയ കല്പന ഏതെന്ന ചോദ്യത്തിന് യേശു നൽകിയ ഉത്തരം നിന്റെ ദൈവമായ കർത്താവിനെ പൂർണ്ണ ഹൃദയത്തോടെ സ്നേഹിക്കണം. അപ്പോൾ നിന്റെ അയൽക്കാരനെ നീ നിന്നെപ്പോലെ തന്നെ സ്നേഹിക്കും എന്നതാണ് (മത്താ. 22:37-40. പരാവർത്തനം).

നമ്മുടെ ജീവിതം എല്ലായ്പ്പോഴും ദൈവത്തെ മുൻനിർത്തി ആരംഭിക്കണം. അതുകൊണ്ടു തന്നെയാണ് ദൈവം ആദമിനെയും ഹവ്വയെയും രണ്ടു വ്യത്യസ്ത സമയത്തു സൃഷ്ടിച്ചത്. ഒരുമിച്ച് ഒരേ സമയത്തല്ല. ആദം കണ്ണുതുറന്ന് ആദ്യമായി കണ്ടത് ഹവ്വയെ അല്ല, ദൈവത്തെയാണ്. പിന്നീട് ഹവ്വയെ സൃഷ്ടിച്ചപ്പോഴും അവൾ ആദ്യമായി കണ്ണുതുറന്നപ്പോൾ കണ്ടത് ആദമിനെയല്ല ദൈവത്തെയാണ്. നിങ്ങളുടെ ജീവിതത്തിലും എല്ലായ്പോഴും ഉണ്ടായിരിക്കേണ്ടത് അതു തന്നെയാണ്. എങ്കിൽ നിങ്ങളുടെ തോട്ടം എപ്പോഴും നനവുള്ളതായിരിക്കും.

എല്ലാ തോട്ടങ്ങൾക്കും മഴ ആവശ്യമുണ്ട്. പുതിയ ഉടമ്പടിയിൽ നമുക്ക് എല്ലായ്പ്പോഴും സ്വർഗ്ഗീയ മഴയാകുന്ന പരിശുദ്ധാത്മാവിനാൽ നിറയപ്പെടാനുള്ള സാദ്ധ്യതകളുണ്ട്. അതിനുവേണ്ടി ദൈവത്തോട് നിരന്തരം മുഴുഹൃദയത്തോടെ ചോദിക്കുവാൻ ഞാൻ നിങ്ങളെ ഉത്സാഹിപ്പിക്കുന്നു. പരിശുദ്ധാത്മാവിനാൽ നിറയപ്പെടുക എന്നാൽ നിയന്ത്രിക്കപ്പെടുക എന്നാണ്. ജീവിതത്തിന്റെ എല്ലാ ദിവസങ്ങളിലും സ്വർഗ്ഗത്തിന്റെ ഈ മഴയ്ക്കായി നിങ്ങളുടെ ജീവിതത്തെ തുറന്നിടുക.

പാശ്ചാത്യ പൗരസ്ത്യ സംസ്ക്കാരങ്ങൾ തമ്മിൽ വലിയ അന്തരമുണ്ടെന്ന് എനിക്കറിയാം. എന്നാൽ രണ്ടു സംസ്ക്കാരങ്ങളിലും നിഗളത്തിനു യാതൊരു വ്യത്യാസവുമില്ല. പൗരസ്ത്യ സംസ്ക്കാരത്തിൽ പ്രത്യേകിച്ചും ഇന്ത്യൻ വിവാഹങ്ങളിൽ “ഇതാ വധു വരുന്നതു കാണു എന്ന് ആരും പാടാറില്ല. അവിടെ “ഇതാ വരൻ വരുന്നതു കാണു” എന്നാണു പാടുന്നത്. ചില പ്രാദേശിക വിവാഹങ്ങളിൽ വരൻ വരുന്നതു കുതിരപ്പുറത്തേറിയാണ്. ആ വിവാഹത്തിലെ കാരണം പ്രധാന വ്യക്തി പൗരസ്ത്യ വിവാഹങ്ങളിൽ വരനാണു പ്രാധാന്യം. വധു കുതിരയുടെ പിന്നാലെ നടക്കുകയാണു പതിവ്. കാരണം അവളുടെ നിലവാരം താഴെയാണ്. ഇതാണ് പൗരസ്ത്യ കാഴ്ചപ്പാട്.

പാശ്ചാത്യ സംസ്കാരം ഇതിനു വിപരീതമാണ്. അവിടെ വധു പ്രവേശിക്കുമ്പോൾ എല്ലാവരും എഴുന്നേറ്റ് ആദരവു കാട്ടുന്നു. വരൻ പ്രവേശിക്കുമ്പോൾ ആരും എഴുന്നേൽക്കാറില്ല. ഇവിടെ പ്രാധാന്യം വധുവിനാണ് “ഇതാ വധുവിനെ കാണുക!”

എന്നാൽ ക്രൈസ്തവ വിവാഹങ്ങളിൽ എല്ലായ്പ്പോഴും “ഇതാ കർത്താവ്” എന്നാണ് രീതി. പാശ്ചാത്യ പൗരസ്ത്യ വിവാഹങ്ങൾ, സംസ്ക്കാരങ്ങൾ, പാപത്താൽ വഷളാക്കപ്പെട്ടതാണ്. ഒന്നിൽ പുരുഷനു പ്രാമുഖ്യം. മറ്റേതിൽ സ്ത്രീക്കും. എന്നാൽ ദൈവത്തിനു നിങ്ങൾ ജീവിതത്തിൽ ഒന്നാം സ്ഥാനം നൽകുമ്പോൾ നിങ്ങളുടെ മനോഭാവം “ഇതാ കർത്താവ്” എന്നാകും.

പൗരസ്ത്യ സംസ്ക്കാരത്തിൽ പുരുഷൻ അഭിമാനം കൊള്ളുന്നത് ഇങ്ങനെ പറഞ്ഞു കൊണ്ടാണ്. “ഞാൻ അവൾക്കു വേണ്ടി പോയി ചോദിച്ചിട്ടില്ല.” അതിലെ നിഗളം ശ്രദ്ധിച്ചോ? അതുപോലെ പാശ്ചാത്യ സംസ്ക്കാരത്തിൽ സ്ത്രീ ഇങ്ങനെ പറയുന്നു:”ഞാൻ അവനോടു പോയി ചോദിച്ചിട്ടില്ല. അവനാണ് എന്റെ അടുക്കൽ വന്ന് എന്നെ അനുനയിപ്പിച്ചു വിവാഹാഭ്യാർത്ഥന നടത്തിയത്.” അവിടെയും നമുക്കു നിഗളത്തെ ദർശിക്കാം.

ക്രിസ്തീയ സംസ്ക്കാരത്തിൽ നമുക്ക് ഇങ്ങനെ പറയാം: “കർത്താവ് ഞങ്ങളെ ഒന്നിപ്പിച്ചു. ഞങ്ങൾ അവിടുത്തെ സ്നേഹിക്കുന്നു. ഞങ്ങൾ അവിടുത്തെ ദൃഷ്ടിയിൽ ഒരുപോലെയാണ്.

ഞാൻ നിങ്ങളെ രണ്ടുപേരെയും നിങ്ങളുടെ സംസ്ക്കാരങ്ങൾക്കതീതരായി നിന്നു കൊണ്ടു രണ്ടു സംസ്ക്കാരങ്ങളുടെയും അഹന്തയ്ക്കപ്പുറത്തു ക്രിസ്ത്യാനികളായി ജീവിക്കുവാൻ ഉത്സാഹിപ്പിക്കുന്നു. “ഇതാ കർത്താവു വരുന്നു” എന്നതായിരിക്കട്ടെ ഓരോ പ്രഭാതത്തിലും നിങ്ങളുടെ പാട്ട്. നിങ്ങൾ ഇരുവരും അവിടുത്തെ എളിയ ദാസരായിരിക് ട്ടെ. അപ്പോൾ നിങ്ങളുടെ ദാമ്പത്യം ‘നനവുള്ള ഒരു തോട്ട’മായിരിക്കും.

അഹന്തയ്ക്കൊപ്പം സ്വാർത്ഥതയും എല്ലാ സംസ്ക്കാരങ്ങളുടെയും മുഖമുദ്രയാണ്. പുരുഷൻ വിവാഹത്തിനായി സ്ത്രീയെ അന്വേഷിക്കുമ്പോൾ സൗന്ദര്യത്തിനാണ് പ്രഥമ സ്ഥാനം നൽകുന്നത്. സ്വാർത്ഥതയോടെ സുന്ദരികളെ തേടുന്നു. അതുപോലെ തന്നെ ഒരു പെൺകുട്ടി വരനെ തേടുമ്പോൾ ഒന്നാം സ്ഥാനം നൽകുന്നത് പണത്തിനാണ്. സ്വാർത്ഥതയോടെ ധനികനെ അന്വേഷിക്കുന്നു. ഇതു ലോകത്തിൽ എല്ലാ സംസ്ക്കാരങ്ങളിലും ഒരു പോലെ സത്യമാണ്.

എന്നാൽ ക്രൈസ്തവ സംസ്ക്കാരത്തിൽ നിങ്ങൾ പങ്കാളിയെ അന്വേഷിക്കുമ്പോൾ ഒരു വ്യക്തിയെ തെരഞ്ഞെടുക്കുന്നത് ആ വ്യക്തി കർത്താവിനെ സ്നേഹിക്കുന്നതുകൊണ്ടാണ്. അവിടുത്തെ ആദരിക്കുന്നതു കൊണ്ടാണ്. അതുകൊണ്ടു ഞാൻ നിങ്ങളോടു പറയുന്നു: മാനുഷികമായ എല്ലാ സ്വാർത്ഥ താത്പര്യങ്ങൾക്കും മീതെ ഉയരുക.

നിങ്ങൾ രണ്ടു പേരും തികച്ചും വ്യത്യസ്തമായ രണ്ടു സംസ്ക്കാരങ്ങളിൽ ജനിച്ചു വളർത്തപ്പെട്ടവരാണ്. ഒരു സംസ്കാരവും മറ്റൊന്നിനെക്കാൾ മെച്ചമല്ല. പൗരസ്ത്യർ തങ്ങൾ പാശ്ചാത്യരെക്കാൾ മെച്ചപ്പെട്ടവരാണെന്നു ചിന്തിക്കുന്നു. പാശ്ചാത്യർ തങ്ങൾ പൗരസ്ത്യരെക്കാൾ മെച്ചപ്പെട്ടവരെന്നു ചിന്തിക്കുന്നു. എന്നാൽ ഇരുകൂട്ടർക്കും ഒരുപോലെ തെറ്റുപറ്റിയിരിക്കുന്നു. ക്രൈസ്‌തവ സംസ്ക്കാരമാണ് എല്ലാറ്റിനെക്കാളും ഉന്നതമായിരിക്കുന്നത്. നിങ്ങൾ അതു സ്വീകരിക്കണമെന്നു ദൈവം ആഗ്രഹിക്കുന്നു.

ഒരു നല്ലതോട്ടം എങ്ങനെ വച്ചു പിടിപ്പിക്കാമെന്നു കാണ്ടെത്തുവാൻ ഞാൻ ഗൂഗിളിൽ അന്വേഷിച്ചു. അവിടെ അഞ്ചു നിയമങ്ങൾ ഞാൻ കണ്ടെത്തി.
1) രോഗത്തെ ചെറുത്തു നില്ക്കാൻ ശേഷിയുള്ള വിത്തുകൾ ഉപയോഗിക്കുക. രോഗ നിയന്ത്രണത്തിന് ഏറ്റവും നല്ല പ്രതിവിധി രോഗ പ്രതിരോധമാണ്. നാം വിത്തുകൾ വിതെക്കുന്നതു നമ്മുടെ നാവുകൊണ്ടാണ്. നമ്മുടെ സംസാരത്തിലൂടെ നാം രോഗം പരത്തുന്നില്ല എന്ന കാര്യം ഉറപ്പാക്കുക. രോഗപ്രതിരോധ ശേഷിയുള്ള വാക്കുകൾ ഉപയോഗിക്കുക. ചില രോഗങ്ങൾക്കു രാസപയോഗം നടത്തിയേ തീരൂ. നിങ്ങളുടെ നാവിനോടു കർക്കശമായിത്തന്നെ ഇടപെടുക. അങ്ങനെയെങ്കിൽ നിങ്ങളുടെ ജീവിതത്തിൽ നിന്നും കളകളെ അകറ്റി നിർത്തുവാൻ നിങ്ങൾക്കു കഴിയും. നിങ്ങളുടെ ദാമ്പത്യ ജീവിതത്തിൽ കള വളരുവാൻ നിങ്ങൾ അനുവദിക്കുകയില്ലെന്നു ഞാൻ പ്രതീക്ഷിക്കുന്നു.

2) വളപ്രയോഗം കൊണ്ടു മണ്ണിന്റെ വീര്യം കുട്ടുക. സന്തുഷ്ടമായ ഒരു കുടുംബ ജീവിതത്തിന് പരസ്പരം പ്രോത്സാഹനവും അഭിനന്ദനവും ആവശ്യമാണ്. ഒരു നല്ല വിള ലഭിക്കുവാൻ തക്ക വണ്ണം വളം ചേർക്കുക.

3) നിയന്ത്രിക്കാൻ കഴിയാത്തതും വിനാശകാരികളുമായ രോഗങ്ങളുള്ള ചെടികളെ നശിപ്പിക്കുക. ഇതിനർത്ഥം അമിതമായ, ആസക്തിയുണ്ടാക്കുന്ന ശീലങ്ങളെ ഉപേക്ഷിക്കുക എന്നാണ്. ടി.വി. സെറ്റിന്റെ മുമ്പിൽ വെറുതെ സമയം കളയാതിരിക്കുക. അതിന്മേൽ നമുക്കു നിയന്ത്രണം വേണം. ആസക്തിയുണ്ടാക്കുന്ന എല്ലാ കാര്യങ്ങളോടും ഇപ്രകാരം അകലം പാലിക്കണം, നിങ്ങളുടെ നിയന്ത്രണത്തിലുള്ള എല്ലാ കാര്യങ്ങളും ആകാം. എന്നാൽ അവയ്ക്കുമേൽ നിയന്ത്രണം ആവശ്യമാണ്.

4) രോഗബാധിതമായ ഇലകളെ കാണുമ്പോൾ മുറിച്ചു നീക്കുക. ഇതിനർത്ഥം നിങ്ങൾ പങ്കാളിയെ മുറിപ്പെടുത്തി എന്നു മനസ്സിലാക്കുമ്പോൾ അതൊരു രോഗബാധിതമായ ഇലയാണ്- അതിനെ വേഗത്തിൽ മുറിച്ചു മാറ്റുക. വേഗം തന്നെ ക്ഷമ ചോദിക്കുക. അങ്ങനെ ആ ഇല നീങ്ങിപ്പോകും. അല്ലെങ്കിൽ അതു ഗുരുതരമായ പ്രശ്നങ്ങളുണ്ടാക്കും. മറ്റൊരു കാര്യം കൂടി. ആ മുറിച്ചു മാറ്റിയ ഇലയെ ദൂരെ എവിടെയെങ്കിലും കളയുക പഴയ സംഭവങ്ങൾ വീണ്ടും ഓർമ്മിക്കാതിരിക്കുക.

5) നിങ്ങൾക്കു ശ്രദ്ധിക്കാൻ കഴിയുന്നതിനപ്പുറം ചെടികൾ നട്ടു വളർത്താതിരിക്കുക. ചെടികൾ കൂടി നില്ക്കാൻ ഇടയാകരുത്. ആവശ്യത്തിനു വെയിലും കാറ്റും ഓരോ ചെടിക്കും ലഭിക്കാൻ ഇടയാകാതെ വരും. 24 മണിക്കൂറിനുള്ളിൽ ഒട്ടേറെ കാര്യങ്ങൾ ഓടി നടന്നു ചെയ്യാതിരിക്കുക. അങ്ങനെ ചെയ്താൽ ഒരു പക്ഷേ കുടുംബത്തിൽ സമയം ചെല വഴിക്കാൻ അവസരം കിട്ടാതെ വന്നേക്കാം. കുടുംബത്തിനു തന്നെയാകട്ടെ മുൻഗണന. തിരക്കുകളും അമിതാദ്ധ്വാനവും, വെയിലും (ദൈവത്തിന്റെ വെളിച്ചം) കാറ്റും (പരസ്പര കൂട്ടായ്‌മ) ജീവിതത്തിലേക്കു വരുന്നതിനു തടസ്സമാണ്.

ലോകമാസകലമുള്ള തോട്ടങ്ങൾക്കു വേണ്ടി ദൈവം ഉണ്ടാക്കിയ പ്രമാണങ്ങളാണിവ. അതുകൊണ്ടു നിങ്ങളുടെ കുടുംബത്തിനു തന്നെയാവട്ടെ ജീവിതത്തിൽ മുൻഗണന.

ഞാൻ ഉത്തമഗീതം 4:16ൽ നിന്നും ഉദ്ധരിക്കട്ടെ: “വടക്കൻ കാറ്റേ ഉണരുക. തെക്കൻ കാറ്റേ വരിക. (വടക്കൻ കാറ്റു തണുത്തതും തെക്കൻ കാറ്റ് ചൂടുള്ളതുമാണ്). എന്റെ തോട്ടത്തിൽ നിന്നും സുഗന്ധം വീശേണ്ടതിന് അതിന്മേൽ ഊതുക. എന്റെ പ്രിയൻ തന്റെ തോട്ടത്തിൽ വന്ന് അതിലെ വിശിഷ്ട ഫലം ഭുജിക്കട്ടെ.”

എല്ലാ വിവാഹ ജീവിതങ്ങളിലും തണുത്ത വടക്കൻ കാറ്റും (പ്രതികൂലങ്ങൾ) ചൂടുള്ള തെക്കൻ കാറ്റും (സമൃദ്ധിയും സന്തോഷവും) മാറി മാറി വരും. എന്നാൽ യേശു നമ്മുടെ തലയായിരിക്കുമ്പോൾ, നമ്മുടെ ജീവിതത്തെ നിയന്ത്രിക്കുവാൻ നാം അവിടുത്തെ അനുവദിക്കുമ്പോൾ സന്തോഷമോ സന്താപമോ ഞെരുക്കമോ സുഖമോ ഈ കാറ്റുകൾ എന്തു തന്നെ കൊണ്ടുവന്നാലും നമ്മിലൂടെ ക്രിസ്തുവിന്റെ സൗരഭ്യം എല്ലായിടങ്ങളിലേക്കും വീശുവാൻ
ഇടയാകും.

ലോകത്തിന് അതു കഴിയില്ല. ലോകത്തിലെ മനുഷ്യർ എല്ലാറ്റിലും പരാതി പറയുന്നവരാണ്. അവർ പ്രതികൂലങ്ങളിൽ ദൈവത്തിനെതിരെ പരാതി പറയുന്നു. ലോകത്തിലെ മനുഷ്യർക്കും തെക്കൻകാറ്റു കൊണ്ടുവരുന്ന സമൃദ്ധി കൈകാര്യം ചെയ്യുവാൻ കഴിവുണ്ട്. എന്നാൽ വടക്കൻ കാറ്റു കൊണ്ടുവരുന്ന പ്രതികൂലങ്ങളെ കൈകാര്യം ചെയ്യുവാൻ അവർക്കു കഴിയുന്നില്ല. ക്രിസ്തുവിന്റെ മണവാട്ടി ഏതു പ്രതികൂലത്തെയും സമൃദ്ധിയെയും വിജയകരമായി കൈകാര്യം ചെയ്യുന്നവളാണ്. അതു നിങ്ങൾക്കും വിവാഹിതരായ നമുക്കോരുരുത്തർക്കും അങ്ങനെ തന്നെയാണ്.

അവസാനമായി ഇവിടെ പറയുന്നു: “എന്റെ പ്രിയൻ തന്റെ തോട്ടത്തിൽ വന്ന് അതിലെ വിശിഷ്ട ഫലം ഭുജിക്കട്ടെ.” നിങ്ങളുടെ പ്രതികൂലങ്ങളിന്മേലുള്ള വിജയം കർത്താവിനു മാത്രം കാണാനുള്ളതാണ്, അന്യർക്കല്ല. മറ്റുള്ളവർ കാണാത്ത കാര്യങ്ങൾ രഹസ്യത്തിൽ കർത്താവ് ഓരോ സമയത്തും കാണുന്നു. അവിടുന്നു തന്റെ തോട്ടത്തിലേക്കു വരുമ്പോൾ തന്റെ ഹൃദയത്തെ സന്തോഷിപ്പിക്കുന്ന എന്തെങ്കിലുമൊക്കെ ഓരോ സമയത്തും അവിടെ ഉണ്ടായിരിക്കട്ടെ.

ദൈവം നിങ്ങളെ ഇരുവരെയും അനുഗ്രഹിക്കട്ടെ. ആമേൻ

ദൈവത്തിനൊരു തിരുനിവാസം

(എന്റെ നാലാമത്തെ മകൻ സുനിലും അനുഗ്രഹും തമ്മിലുള്ള വിവാഹം വേളയിൽ നൽകിയ സന്ദേശം)

നമ്മുടെ ജീവിതത്തിന്റെയും കുടുംബത്തിന്റെയും ഈ ഭൂമിയിൽ കാണുന്ന എല്ലാറ്റിന്റെയും അടിസ്ഥാനം ദൈവവചനമാണ്. കാരണം ദൈവം ഈ ഭൂമിയും അതിലുള്ളതും തന്റെ വചനത്താൽ സൃഷ്ടിച്ചവയാണ്. അതുകൊണ്ടു നമ്മുടെ അടിസ്ഥാനം ദൈവത്തിന്റെ വചനം പ്രകാരം പണിയുന്നു എങ്കിൽ ഒരിടത്തും നമുക്കു തെറ്റു പറ്റുകയില്ല.

പുറപ്പാട് 25-ാം അദ്ധ്യായത്തിലാണ് ആദ്യമായി മനുഷ്യനോടു കൂടെ വസിക്കുവാനുള്ള ആഗ്രഹം ദൈവം വെളിപ്പെടുത്തുന്നത്. 25:8ൽ “ഞാൻ അവരുടെ നടുവിൽ വസിപ്പാൻ അവർ എനിക്കൊരു വിശുദ്ധ മന്ദിരം ഉണ്ടാക്കണം.” ദൈവത്തിന്റെ അഗ്നി വന്ന് ആവസിച്ച് ആ കൂടാരത്തെയാണ് ഇതു സൂചിപ്പിക്കുന്നത്- ദൈവത്തിന്റെ ആ തേജസ്സായിരുന്നു യിസ്രായേൽ മക്കളെ ചുറ്റുമുള്ള സകല ജാതികളിൽ നിന്നും വ്യത്യസ്തരാക്കിയത്.

പുറപ്പാടു പുസ്തകത്തിൽ കാണുന്ന മാതൃകയിലുള്ള ഒരു കൂടാരം ഉണ്ടാക്കുക വളരെ എളുപ്പമാണ്. കാരണം അതിന്റെ അളവുകളും വിശദാംശങ്ങളും ഒക്കെ അവിടെ നൽകിയിരിക്കുന്നു. നമുക്ക് അതിന്റെ കൃത്യമായ മാതൃകയിൽ തന്നെ ഒരു കൂടാരം പണിയുവാൻ കഴിയും. ഒന്നു മാത്രം നമുക്കു ഉണ്ടാക്കുവാൻ കഴികയില്ല. അതിന്മേൽ വസിച്ചിരുന്ന ദൈവതേജസ്സ്. ആ മന്ദിരത്തെ സംബന്ധിച്ച് ഏറ്റവും പ്രധാനപ്പെട്ട കാര്യവും അതു തന്നെ ആയിരുന്നു. അതിന്മേൽ വസിച്ചിരുന്ന ദൈവതേജസ്സ്. അതു തന്റെ ജനത്തിനിടയിലുള്ള ദൈവ സാന്നിധ്യത്തെ സൂചിപ്പിക്കുന്നതായിരുന്നു.

സുനിൽ, അനുഗ്രഹ്, ഇപ്പോൾ നിങ്ങൾ തമ്മിൽ വിവാഹിതരാകുന്നു. ഏറ്റവും സുപ്രധാനമായ കാര്യം നിങ്ങളുടെ ഭവനം ദൈവത്തിന് ഒരു വിശുദ്ധ മന്ദിരമായിത്തീരണമെന്നുള്ളതാണ്. നിങ്ങൾ പരസ്പരം സന്തോഷിപ്പിക്കേണ്ടതാണങ്കിലും അതിനുള്ള ഒരിടമെന്നതിനെക്കാൾ, മറ്റുള്ളവരെ അനുഗ്രഹിക്കേണ്ടതെങ്കിലും അതിനുള്ള ഒരിടം എന്നതിനെക്കാൾ ദൈവത്തിനു തന്റെ സാന്നിദ്ധ്യം വെളിപ്പെടുത്തുവാനൊരിടമായി തീരണം. അവിടെ യേശുവിനു വസിക്കുവാൻ കഴിയണം. “എനിക്കു വസിക്കുവാൻ ഒരിടം അവർ ഉണ്ടാക്കട്ടെ” എന്നാണ് ദൈവം കല്പിച്ചത്.

നിങ്ങളോടു രണ്ടു പോരോടും എനിക്കു പറയുവാനുള്ളത് ഇതാണ്: തനിക്കു വസിക്കുവാനൊരിടം നിങ്ങളുണ്ടാക്കണമെന്നു ദൈവം കല്പിക്കുന്നു.

ചില വീടുകളിൽ ചെന്നാൽ അവിടെ ഇരിക്കുന്നതു നമുക്കു സുഖകരമായി തോന്നാറില്ല എന്നതു നമുക്കെല്ലാം അറിയാം. എന്നാൽ ചില വീടുകളിൽ നാം ചെന്നു കയറുന്ന സമയം മുതൽ നമുക്കു കുളിർമ്മ നൽകുന്ന പെരുമാറ്റമായിരിക്കും ആ വീട്ടുകാരുടേത്. ആ അനുഭവത്തെ നമുക്കു വാക്കുകൾ കൊണ്ട് വിവരിക്കാനാവില്ല. പക്ഷേ നമുക്കതറിയാം. ഒരു ക്രിസ്തീയ ഭവനം ക്രിസ്തുവിന് അപ്രകാരം സന്തോഷത്തോടെ, സ്വാതന്ത്ര്യത്തോടെ ഇരിക്കാൻ കഴിയുന്ന ഒരിടമാകണം. അവിടെ കാണുന്ന ഓരോ കാര്യവും അവിടുത്തേക്കു പ്രസാദകരമാകണം. നിങ്ങൾ വായിക്കുന്ന പുസ്തകങ്ങൾ, വരുത്തുന്ന മാസികകൾ, ഭാര്യാ ഭർത്താക്കന്മാർ തമ്മിലുള്ള സംഭാഷണം, സംഭാഷണ വിഷയങ്ങൾ, നിങ്ങൾ കാണുന്ന ടി.വി. പരിപാടികൾ മുതലായവ. ചില വീടുകളിൽ ബൈബിൾ വാക്യങ്ങൾ തൂക്കിയിട്ടിരിക്കും. പക്ഷേ യേശുവിന് അവിടെ ഇരിക്കുവാൻ സന്തോഷം തോന്നാറില്ല. ദൈവം എത്ര പ്രതീക്ഷകളോടെയാണ് ആദമിനെയും ഹവ്വയെയും ഒന്നിപ്പിച്ചതെന്നു നിങ്ങൾ ചിന്തിച്ചിട്ടുണ്ടോ? ഒരു പിതാവെന്ന നിലയിൽ അവരെക്കുറിച്ച് അവിടുത്തേക്ക് എന്തൊക്കെ പദ്ധതികളുണ്ടായിരുന്നു! ഞാനൊരു പിതാവാണ്. എന്റെ മകൻ ഇന്നു വിവാഹിതനാകുമ്പോൾ എത്ര നല്ല പ്രതീക്ഷകളാണ് എനിക്കു ള്ളത് എന്നെനിക്കറിയാം. എന്നാൽ ആദമും ഹവ്വയും ഒന്നു ചേർന്ന സമ ദൈവത്തിനുണ്ടായിരുന്ന പ്രതീക്ഷകളുടെ ഒരംശം പോലും വരില്ല എന്നിലുള്ളത്. തനിക്ക് ഒന്നാം സ്ഥാനം നൽകുന്ന മനോഹരമായ ഒരു കുടുംബ ജീവിതം അവർക്കുണ്ടാ കുമെന്ന് അവിടുന്നു ചിന്തിച്ചു. എന്നാൽ എത്ര വേഗത്തിലാണ് അവർ തന്നെ നിരാശപ്പെടുത്തിയത്! എങ്കിലും അവിടുന്ന് അവരോടു കോപിച്ചില്ല. അവിടുന്നു ദുഃഖിതനാ യിരുന്നു. ഇന്നു പല ക്രിസ്തീയ കുടുംബങ്ങളെയും നോക്കുമ്പോൾ അവിടെ സമാധാനത്തിനു പകരം കലഹവും പോരും കണ്ട് ദൈവഹ ദയം വളരെ ദുഃഖിതമാണ് എന്നു ഞാൻ വിചാരിക്കുന്നു. അവർ കുഴ പ്പത്തിലാകുമ്പോൾ മാത്രം ദൈവത്തി ങ്കലേക്കു തിരിയുന്നു. എന്നാൽ ക്രിസ്ത്യാനികൾ എന്ന നിലയിൽ നമുക്കു വ്യത്യസ്തരാകേണ്ടതുണ്ട്. ആവശ്യം വരുമ്പോൾ വിളിക്കേണ്ട ഒരു ആപത്ഘട്ട അടിയന്തര നമ്പറല്ല ദൈവം. എല്ലാ സമയത്തും നമ്മുടെ ജീവിതത്തിന്റെ കേന്ദ്രം അവിടുന്നാകണം.

നാം വാങ്ങുന്ന ഓരോ ഉപകരണത്തോടുമൊപ്പം ലഭിക്കുന്ന നിർമ്മാതാവിന്റെ നിർദ്ദേശങ്ങൾ പോലെയാണ് ദൈവത്തിന്റെ വചനം. നാം വാങ്ങുന്ന ഇലക്ട്രോണിക് ഉപകരണങ്ങളെക്കുറിച്ചുള്ള നിർദ്ദേശങ്ങൾ സശ്രദ്ധം വായിക്കുന്നതിൽ നാം ജാഗ്രത കാട്ടുന്നവരാണ്. നിങ്ങൾ വാങ്ങിയ ഉപകരണം കുഴപ്പമുണ്ടാക്കി നിങ്ങൾ അതുമായി നിർമ്മാതാവിനടുത്തേക്കു ചെല്ലുമ്പോൾ നിങ്ങളോടു ആദ്യം ചോദിക്കുക “നിർമ്മാതാവിന്റെ നിർദ്ദേശങ്ങൾ കൃത്യമായി പാലിച്ചോ” എന്നാണ്. കാരണം, നിർദ്ദേശങ്ങൾ പാലിക്കാത്തവർക്ക് ഗാരന്റി വ്യവസ്ഥകളുടെ ആനുകൂല്യം ലഭിക്കുന്നതല്ല എന്ന് ആ പ്രതികയിൽ പറഞ്ഞിട്ടുണ്ടാവും.

എന്നാൽ ദൈവത്തെ സംബന്ധിച്ച അത്ഭുതകരമായ സത്യം ഏതു സമയത്തും നമ്മുടെ കുഴഞ്ഞു മറിഞ്ഞ ജീവിതത്തെ നേരെയാക്കാൻ അവിടുന്നു സന്നദ്ധനാണ് എന്നതാണ്. അത് ഒരു വർഷത്തേക്കുള്ള ഒരു ഗാരന്റിയല്ല മറിച്ച് ഒരായുഷ്ക്കാലത്തേക്കു മുഴുവൻ ഉള്ളതാണ്. നിങ്ങൾ നുറുങ്ങിയ ഒരു ജീവിതവുമായി അവിടുത്തെ അടുത്തേക്കു വന്നാൽ അവിടുന്ന് അതിനെ പൂർണ്ണമാക്കിത്തരും. അതാണു ദൈവത്തെ സംബന്ധിച്ച അതകരമായ സത്യം. അവിടുന്നു സ്നേഹിക്കുന്ന ഒരു പിതാവാണ്. നിങ്ങളുടെ ഭവനത്തിൽ തനിക്ക് ഒരു തിരുനിവാസം വ്യക്തി സ്നേഹവാനായ ഒരു പിതാവാണെന്നു നിങ്ങൾ അറിഞ്ഞിരിക്കണം. നിങ്ങളുടെ ജീവിതത്തിന്റെ ആദ്യ ദിവസം മുതൽ യേശുവിന്റെ മടങ്ങി വരവു വരെയും നിങ്ങൾ സന്തുഷ്ടരായിരിക്കണമെന്ന കാര്യത്തിൽ താത്പര്യമുള്ള വ്യക്തിയാണു നിങ്ങളുടെ പിതാവ്.

ആ സന്തോഷത്തിന്റെ ഒരംശം എന്റെ ഭാര്യയുമൊത്തു ഞങ്ങളുടെ ദാമ്പത്യ ജീവിതത്തിൽ അനുഭവിക്കുവാൻ എനിക്കു കഴിഞ്ഞിട്ടുണ്ട്. എനിക്കൊരു കാര്യം പറയുവാൻ കഴിയും. യേശുവിൽ കേന്ദ്രീകരിച്ചുള്ള ഒരു ജീവിതം തന്നെയാണ് ഭൂമിയിൽ ഏറ്റവും സന്തുഷ്ടമായ ജീവിതം. ചെയ്യുന്ന ഓരോ കാര്യങ്ങളിലും സമയം ചെലവഴിക്കുന്നതിൽ, പണം ചെലവഴിക്കുന്നതിൽ തുടങ്ങി മറ്റു ചെറുതും വലുതുമായ ഓരോ കാര്യങ്ങളിലും യേശു അതിൽ സന്തോഷിക്കുന്നുണ്ടോ എന്നന്വേഷിക്കുമ്പോൾ നിങ്ങളുടെ ജീവിതത്തെ അതു സമാധാനത്തിലേക്കും സന്തോഷത്തിലേക്കും നയിക്കും. നിങ്ങളുടെ ജീവിതത്തിന്റെ അന്ത്യത്തിലോ അല്ലെങ്കിൽ കർത്താവിന്റെ മടങ്ങി വരവിലോ തന്റെ മുമ്പാകെ നിൽക്കുമ്പോൾ അവിടുന്നു പറയും “നന്ന്, നന്നായി ചെയ്തിരിക്കുന്നു.” മറ്റുള്ളവർ നിങ്ങളെക്കുറിച്ച് എന്തു കരുതി എന്നുള്ളത് അപ്പോൾ പ്രസക്തമല്ലാതായി മാറും.

പുറമെ കാണുന്നതിലൂടെ വിലയിരുത്തുക എന്നതു മാനുഷിക സ്വഭാവമാണ്. ഞാൻ ഒരു പരീശനായി ജീവിച്ച ഒട്ടേറെ വർഷങ്ങൾ ഞാനതു ചെയ്തിട്ടുണ്ട്. എന്നാൽ ഇന്നു ഞാൻ വ്യക്തമായി മനസ്സിലാക്കുന്നു. ദൈവം കാണുന്നതു ഹൃദയന്തർഭാഗങ്ങളെയാണ് എന്ന്. ഹൃദയത്തിന്റെ ശുദ്ധിയാണ് ഏറ്റവും പ്രധാനമെന്നത് നിങ്ങൾ എപ്പോഴും ഓർത്തിരിക്കണമെന്നു ഞാൻ ആഗ്രഹിക്കുന്നു. നിങ്ങളുടെ വീട് ഒരു കൊട്ടാരമാണോ കുടിലാണോ എന്നതു രണ്ടാമത്തെ കാര്യമാണ്. ബാഹ്യമായ കാര്യങ്ങളുടെയെല്ലാം പ്രസക്തി രണ്ടാമതു മാത്രമാണ്. ദൈവം നോക്കുന്നതു ഹൃദയങ്ങളെയാണ്. അതുകൊണ്ടു നിങ്ങളുടെ ഹൃദയങ്ങൾ ഒരു വിശുദ്ധ മന്ദിരമാണെന്നുറപ്പു വരുത്തുക – ദൈവത്തിന്റെ തിരുനിവാസമാകേണ്ടതിന്.

എവിടെ സമാധാനം ഉണ്ടോ അവിടെ

എവിടെയാണു ദൈവം വസിക്കുന്നത്? എവിടെ സമാധാനമുണ്ടോ അവിടെ. സുവിശേഷം പ്രസംഗിക്കുവാനായി യേശു ശിഷ്യന്മാരെ ഈരണ്ടായി വിവിധ ഇടങ്ങളിലേക്കയച്ചപ്പോൾ ലൂക്കൊസ് 10:5-7ൽ കർത്താവ് അവരോടു പറഞ്ഞു: സമാധാനമുള്ള ഒരു ഭവനം അന്വേഷിക്കുക. അത്തരം ഒരു ഭവനം കണ്ടെത്തിയാൽ അതു വിട്ടെങ്ങും പോകരുത്. അവിടെത്തന്നെ താമസിക്കുക. എന്തുകൊണ്ടാണ് യേശു അങ്ങനെ പറഞ്ഞത്? കാരണം അത്തരം ഭവന ങ്ങൾ അധികമൊന്നും കണ്ടെത്തുകയില്ല എന്നു കർത്താവിനറിയാമായിരുന്നു.

കലഹമില്ലാത്ത ഇടത്തിൽ മാത്രമേ കർത്താവു വസിക്കുന്നുള്ളു. ഭാര്യാ ഭർത്താക്കന്മാർ എന്തിനു വേണ്ടി ആയിരിക്കാം കലഹിക്കുന്നത്? അധികവും ഭൗതിക വസ്തുക്കൾക്കു വേണ്ടി. അല്ലെങ്കിൽ ചെയ്ത എന്തെങ്കിലും കാര്യങ്ങൾ കുഴപ്പത്തിലായതിനെ പ്രതി. ഈ ലോകത്തിൽ കാര്യങ്ങൾ തെറ്റിപ്പോകാനിടയുണ്ട്. തെറ്റുകൾ സംഭവിക്കുമ്പോൾ നാം ഓർത്തിരിക്കേണ്ട ഒരു കാര്യം പാപം മാത്രമാണ് ഗൗരവമുള്ളത് എന്നതാണ്. അല്ലാതെയുള്ളതെല്ലാം അപ്രധാനവും അവഗണിക്കാവുന്നതുമാണ്. ഇക്കാര്യം നിങ്ങൾ എന്നും ഓർത്തിരിക്കുമെന്നു ഞാൻ കരുതുന്നു. പാപം മാത്രമാണ് പ്രാധാന്യമുള്ള കാര്യം. ഭൗതികമായ ചില നിസ്സാര കാര്യങ്ങൾക്കുവേണ്ടി നിങ്ങൾ കയ്പായിരിക്കുന്നതും പരസ്പരം മിണ്ടാതിരിക്കുന്നതും ദൈവസന്നിധിയിൽ ഗൗരവമുള്ളതാണ്. ദൈവത്തെ ദുഃഖിപ്പിക്കുന്ന കാര്യമാണ്. ഞാൻ ഒരു ജ്ഞാന ശകലം നിങ്ങളുമായി പങ്കുവയ്ക്കട്ടെ: പാപത്തെ വെറുക്കുക- കാരണം അതു മാത്രമാണു നിങ്ങളുടെ ദാമ്പത്യത്തെ നശിപ്പിക്കുന്ന ഒരേ ഒരു കാര്യം.

നിങ്ങളുടെ ഭവനം ദൈവത്തിന് ഒരു വിശുദ്ധ മന്ദിരമാണെന്ന കാര്യം മറന്നു പോകരുത്. നിങ്ങളുടെ കുടുംബത്തിനുള്ളിലെ സമാധാനം കെടുത്തുന്ന എന്തെങ്കിലും ഒരു കാര്യം ഉയർന്നു വന്നാൽ അതൊരു വിശുദ്ധ മന്ദിരമായിരിക്കയില്ല. ദൈവം നിങ്ങളോടു കോപിക്കുമെന്നും ശപിക്കുമെന്നും ഒന്നും ഞാൻ നിങ്ങളോടു പറയുകയില്ല. പക്ഷേ ദൈവം ദുഃഖിക്കും. എന്നാൽ ഒന്നാം ദിവസം മുതൽ തന്നെ യേശു സന്തോഷവാനായി നിങ്ങളുടെ വീട്ടിൽ ഉണ്ടാവണമെന്നു നിങ്ങൾ ആഗ്രഹിക്കുന്നു എന്ന് എനിക്കറിയാം.

നിങ്ങൾ ചെയ്യുന്ന എല്ലാ കാര്യങ്ങളിലും നിങ്ങൾ ഇങ്ങനെ പറയണമെന്നു ഞാൻ പ്രാർത്ഥിക്കുന്നു. “കർത്താവേ, ആളുകൾ ഞങ്ങളെക്കുറിച്ചു സന്തുഷ്ടരായിക്കണമെന്നു ഞങ്ങൾ ആഗ്രഹിക്കുന്നില്ല. അതിലുപരി അങ്ങു ഞങ്ങളെക്കുറിച്ചു സന്തുഷ്ടനാണോ? അങ്ങയെ ദുഃഖിപ്പിക്കുന്ന എന്തെങ്കിലും ഞങ്ങൾ തമ്മിലുള്ള ബന്ധത്തിൽ വാക്കുകളിലോ ചിന്തകളിലോ മനോഭാവങ്ങളിലോ- ഉണ്ടോ? അങ്ങു ഞങ്ങളുടെ ഭവനത്തിൽ സന്തുഷ്ടനായിരിക്കണമെന്നു ഞങ്ങൾ ആഗ്രഹിക്കുന്നു. ഞങ്ങളുടെ ജീവിതത്തിലെ എല്ലാ കാര്യങ്ങളും “ഇതു കർത്താവിനു സന്തോഷകരമാണോ’ എന്ന നിലയിൽ ഒരു വിലയിരുത്തൽ നടത്തുവാൻ ഞങ്ങൾ ആഗ്രഹിക്കുന്നു.”

അങ്ങനെ ചെയ്താൽ നിങ്ങളുടെ ഭവനം എങ്ങനെ ആയിത്തീരുമെന്നു നിങ്ങൾക്കു ചിന്തിക്കാമോ? കൂടാരത്തിൽ എങ്ങനെ ദൈവതേജസ് നിറഞ്ഞുവോ അങ്ങനെ നിറഞ്ഞ ഒരിടമായിത്തീരും. അങ്ങനെ ആളുകൾ നിങ്ങൾ മുഖാന്തരം ജീവനുള്ള ദൈവത്തിങ്കലേക്കു ആകൃഷ്ടരായിത്തീരും.

സമാധാനത്തിനു വേണ്ടി തങ്ങളുടെ അവകാശങ്ങളെ ത്യജിക്കുന്ന ഭാര്യാഭർത്താക്കന്മാരുടെ നടുവിൽ ദൈവം വസിക്കുന്നു. ഒരിക്കൽ ഒരു ട്രെയിൻ കയറാൻ വേണ്ടി തിരക്കു പിടിച്ചു റെയിൽവേ സ്റ്റേഷനിലേക്കു പോകുന്ന യുവ ദമ്പതികൾ എന്റെ അടുത്തു വന്ന് എന്നോടു ചോദിച്ചു: “ബ്രദർ സാക്, താങ്കൾക്ക് രണ്ടു മിനിറ്റു സമയം കൊണ്ടു ഞങ്ങൾക്ക് ഒരു പ്രബോധനം നൽകാൻ കഴിയുമോ?” “തീർച്ചയായും. ഇതാ ശ്രദ്ധിക്കുക: എപ്പോഴും തമ്മിൽ ക്ഷമ ചോദിക്കുവാൻ ഒരുങ്ങിയിരിക്കുക. അതു പോലെ എല്ലായ്പോഴും ക്ഷമിക്കുവാനും ഒരുങ്ങിയിരിക്കുക. നിങ്ങൾ ഒരു തെറ്റു ചെയ്ത ഉടൻ ക്ഷമ ചോദിക്കുവാനും ക്ഷമ ചോദിച്ചാൽ ഉടൻ ക്ഷമിക്കുവാനും ഒരുക്കമെങ്കിൽ നിങ്ങളുടെ ഭവനം നിത്യവും ഒരു സമാധാന ഭവനമായിരിക്കുമെന്നു ഞാൻ ഉറപ്പു തരാം.

നിങ്ങളുടെ ഭവനം അങ്ങനെ ആയിരിക്കട്ടെ. എന്നാൽ ഇക്കാര്യത്തിൽ നിങ്ങൾ വളരെ സംവേദനത്വം ഉള്ള ആളായിരിക്കണം. നിങ്ങളുടെ കാലിൽ ഒരു മുള്ളു തറച്ചാൽ ഒരു നിമിഷം പോലും നിങ്ങൾ താമസിക്കുകയില്ല അതെടുത്തു കളയാൻ. അപ്രകാരം നിങ്ങളുടെ മനസ്സാക്ഷിയിൽ ഒരു കുത്തൽ അനുഭവപ്പെടുന്ന നിമിഷം തന്നെ അതെടുത്തു മാറ്റുവാൻ ശ്രമിക്കുക. അതൊരു മുള്ളാണ്. അതിനു നിങ്ങളെ നശിപ്പിക്കുവാൻ കഴിയും. കാലിൽ തറച്ച മുള്ളിനെക്കാൾ അധികം ഉപദ്രവം അതിനു നിങ്ങളുടെ ഹൃദയത്തോടു ചെയ്യുവാൻ കഴിയും. എന്തു വില കൊടുത്തും സമാധാനം അന്വേഷിക്കുക. നിങ്ങളുടെ നഷ്ടങ്ങളെ സാരമാക്കേണ്ടതില്ല. അതു പണമോ, സമയമോ, മാനമോ എന്തുമായിക്കൊള്ളട്ടെ. അതൊന്നും സമാധാനത്തോളം വിലയുള്ളതല്ല. പണവും സമാധാനവും ഒരു തുലാസ്സിന്റെ രണ്ടു തട്ടിൽ വച്ചു തൂക്കാൻ ശ്രമിച്ചാൽ പണത്തെക്കാൾ എത്രയധികം തൂക്കമുള്ളതാണു സമാധാനമെന്നു നിങ്ങൾ തിരിച്ചറിയും. ഓർത്തിരിക്കുക.

ഒരു ദിവസം വീട്ടിൽ എന്തോ കുഴപ്പം സംഭവിച്ചു? ഭക്ഷണം കരിഞ്ഞു പോയി? ഭക്ഷണം കരിഞ്ഞു പോയതുകൊണ്ട് ഒരു നേരം ഭക്ഷണം കഴിക്കാൻ സാധിച്ചില്ല എന്നേയുള്ളു. അതുകൊണ്ടെന്താണു സംഭവിക്കുക? അതു നിങ്ങളെ കൂടുതൽ ആരോഗ്യമുള്ളവരും ശരീര സൗഖ്യമുള്ളവരുമാക്കും. ഒരു പക്ഷേ കൂടുതൽ ആത്മീയരുമാം എന്നാൽ അതിന്റെ പേരിൽ നിങ്ങൾ കോപിച്ചാൽ, പിശാച് ജയിക്കും.

ദൈവം ആരംഭിച്ച ആദ്യ കുടുംബത്തിൽ എന്താണു സംഭവിച്ചതെന്ന് ഓർമ്മിക്കുക. ആദാം ഹവ്വമാരുടെ ഇടയിലേക്കു കടന്നു കയറുവാൻ ഒരവസരത്തിനു വേണ്ടി പിശാച് പുറത്തു കാത്തു നിൽക്കുകയായിരുന്നു. അവൻ വിജയിച്ചു. അവൻ ഇയ്യോബിനും ഭാര്യയ്ക്കും ഇടയ്ക്കു കടന്നുകയറുന്നതിലും വിജയിച്ചു. ഇസഹാക്കിനും റെബേക്കയ്ക്കുമിടയിൽ കടന്നു കയറുന്നതിലും അവൻ വിജയിച്ചു.

ഒരു ഭാര്യയും ഭർത്താവിനും ഇടയിൽ സാത്താൻ കടന്നു കയറുന്നതു ദൈവത്തിനിഷ്ടമല്ല. അതു നിങ്ങൾക്ക് ഒരിക്കലും സംഭവിക്കാതിരിക്കട്ടെ. ദൈവം നിങ്ങളുടെ ഭവനത്തിൽ സന്തുഷ്ടനായിരിക്കട്ടെ. എല്ലായ്പോഴും അവിടുന്നു നിങ്ങൾക്കു സമാധാനം നൽകട്ടെ.

എവിടെ ഭാര്യാ ഭർത്താക്കന്മാർ നുറുക്കമുള്ള വരാണോ അവിടെ

രണ്ടാമതായി എനിക്കു പറയുവാനുള്ളതു യെശയ്യാ 57:15-ൽ കാണുന്ന കാര്യത്തെക്കുറിച്ചാണ്. “ദൈവം ഉന്നതനും പരിശുദ്ധനുമെങ്കിലും താഴ്മയും നുറുക്കവുമുള്ള ഹൃദയത്തിലും വസിക്കുന്നു.” താഴ്മയും നുറുക്കവുമുള്ളവരോടു കൂടെയാണ് ദൈവം വസിക്കുന്നത്. നുറുക്കമുള്ള ഒരു വ്യക്തി മറ്റുള്ളവരെക്കാളധികം സ്വന്തം കുറവുകളെക്കുറിച്ചു ബോധമുള്ളവനാണ്. മറ്റുള്ളവരുടെ കുറവുകളെക്കുറിച്ചും പരാജയങ്ങളെക്കുറിച്ചും ചിന്തിക്കുന്നവരാണ് അധികമാളുകളും. മിക്ക കുടുംബളിലെയും സംഭാഷണമെല്ലാം മറ്റുള്ളവരുടെ കുറ്റങ്ങളും പരാജയങ്ങളുമാണ്. അതു കാണുക നമുക്കു വളരെ എളുപ്പമാണ്. അവരിലെ നല്ല വശങ്ങൾ നാം ശ്രദ്ധിക്കുന്നില്ല. ഇക്കാര്യത്തിൽ നാമെല്ലാം ഒരുപോലെ കുറ്റ ക്കാരാണ്. കഴിഞ്ഞ കാലമെല്ലാം ഞാൻ ഈ കാര്യത്തിൽ കുറ്റക്കാര നായിരുന്നു. എന്നാൽ ഈ തിന്മയെ ക്കുറിച്ചു ദൈവം എനിക്കു വെളിച്ചം തന്നപ്പോൾ ഞാൻ അനുതപിച്ചു.

നമുക്കാരെയും കല്ലെറിയുവാൻ അവകാശമില്ല, കാരണം നാം തന്നെ പാപികളാണ്. ദൈവത്തിന്റെ കൃപയാൽ രക്ഷിക്കപ്പെട്ടിരിക്കുന്നു. മറ്റുള്ളവരുടെ കുറ്റം പറയുക എന്ന പാപവും മറ്റനേകം പാപങ്ങളും വീണ്ടും വീണ്ടും തുടർന്നു കൊണ്ടിരിക്കുവാൻ ആഗ്രഹിക്കുന്നവരല്ല നാം. കുളിമുറിയിലെ കണ്ണാടിയും ഒരു ഡ്രൈവർക്കു തന്റെ പിന്നിലെ വാഹനങ്ങളെ കാണാനുള്ള കണ്ണാടിയും തമ്മിലുള്ള വ്യത്യാസം നമുക്കറിയാം. ബാത്തുറൂമിലെ കണ്ണാടിയിൽ നാം നമ്മുടെ സ്വന്തം മുഖം കാണുന്നു. വാഹനത്തിലെ കണ്ണാടിയിൽ നാം അന്യരെ കാണുന്നു. യാക്കോബ് 1:23-25ൽ ദൈവത്തിന്റെ വചനം ഒരു കണ്ണാടിയാണെന്നു നാം കാണുന്നു. എന്നാൽ അത് ഏതുതരം കണ്ണാടിയാണ്? കുളിമുറിയിലെ കണ്ണാടിയോ വാഹനത്തിലെ കണ്ണാടിയോ? ആരുടെ മുഖമാണു നാം അതിൽ കാണുന്നത്? മറ്റുള്ളവരോടു പ്രസംഗിക്കാനുള്ള ഒരു വചനമാണോ നീ അതിൽ കാണുന്നത്? അതോ നിനക്കനുസരിക്കുവാനുള്ള ഒരു വചനമോ? എബ്രായർ 10:7 ഇങ്ങനെ പറയുന്നു: “പുസ്തച്ചുരുളിൽ എന്നെക്കുറിച്ച് എഴുതിയിരിക്കുന്നു.”

ഞാൻ വാഹനത്തിലെ ഒരു കണ്ണാടി പോലെ ദൈവവചനത്തെ കണ്ടു കൊണ്ട് ഒട്ടേറെ വർഷങ്ങൾ ഒരു ഭോഷനായി ജീവിച്ചു – മറ്റുള്ളവരോടു പ്രസംഗിക്കുവാനുള്ള വാക്യങ്ങൾ കണ്ടെത്തിക്കൊണ്ട്. ആ സമയങ്ങളിലൊക്കെ ഞാൻ അരിഷ്ടനായിരുന്നു. മറ്റുള്ളവരിൽ നുകം വയ്ക്കുന്നവനായിരുന്നു. ഞാൻ അതിൽ നിന്നെല്ലാം സ്വതന്ത്രനായിരിക്കുന്നു. ഇന്നും എനിക്കു സ്വന്തമായ ബോധ്യങ്ങളുണ്ട്. പക്ഷേ ഞാൻ അവയെ ആരുടെ മേലും അടിച്ചേൽപ്പിക്കില്ല. ഞാൻ മറ്റുള്ളവരുമായി അതു പങ്കുവയ്ക്കും. പക്ഷേ ആരും അവ ഏറ്റെടുക്കാൻ നിർബ്ബന്ധിക്കില്ല. അതെന്റെ ജോലിയല്ല. ഞാൻ ദൈവമുമ്പാകെ ജീവിക്കണമെന്ന നിർബ്ബന്ധം മാത്രമേ എനിക്കുള്ളു.

എനിക്കുള്ള വെളിച്ചം അടുത്തയാൾക്കുണ്ടാകുവാനുള്ള സാധ്യതയില്ല എന്ന അത്ഭുതകരമായ സത്യം കൂടി എനിക്കിപ്പോൾ മനസ്സിലായിരിക്കുന്നു. കഴിഞ്ഞ ഇരുപതിലധികം വർഷമായി ഈ സത്യം എന്നെ സഹായിച്ചു കൊണ്ടിരിക്കുന്നു. എനിക്കു ചുറ്റുമുള്ള എല്ലാവർക്കും എനിക്കുള്ള ഈ വെളിച്ചവും പാപ ബോധവും ഉണ്ടാകുമെന്നു ഞാൻ വിചാരിച്ചു. എന്നാൽ പോയ വർഷങ്ങളിലൂടെ ഞാൻ കണ്ടെത്തി ഓരോ വ്യക്തിക്കും ഒരു പ്രത്യേക അളവിലുള്ള വെളിച്ചം മാത്രമേ ഉള്ളു. മാത്രമല്ല ഓരോരുത്തർക്കും അറിവിന്റെ പരിമിതിയുണ്ടെന്നും ഞാൻ കണ്ടത്തി. സർവ്വ ശക്തനായ ദൈവം ഓരോ വ്യക്തിയെക്കുറിച്ചും തങ്ങൾക്കുള്ള വെളിച്ചത്തിൽ ജീവിക്കണമെന്നു മാത്രമേ ആഗ്രഹിക്കുന്നുള്ളു എന്നും മറ്റുള്ളവർക്കുള്ള വെളിച്ചത്തിൽ ആരും ജീവിക്കേണ്ടതില്ല എന്നുമുള്ള സത്യം ഞാൻ ഗ്രഹിച്ചു. ദൈവം നമുക്കു തന്നിരിക്കുന്ന വെളിച്ചം എത്രയുണ്ടെന്നു നമുക്കറിയാം. മറ്റൊരാൾക്കു ദൈവം എത്ര വെളിച്ചം നൽകിയിട്ടുണ്ടെന്നു നമുക്കറിഞ്ഞു കൂടാ. അതുകൊണ്ടു നാം കരുണയുള്ളവരാകണം.

(ഈ സമയത്ത് വിവാഹ വേദി യിലെ വീഡിയോ ലൈറ്റ് പെട്ടെന്ന് അണഞ്ഞു പോയി).

ഇപ്പോൾ ലൈറ്റ് പെട്ടെന്നണഞ്ഞു പോയപ്പോഴത്തെ അവസ്ഥ കണ്ടോ? അതൊരു ദൃഷ്ടാന്തമാണ്. ചില ആളുകൾക്ക് നല്ല വെളിച്ചമുള്ളപ്പോൾ മാത്രമേ വ്യക്തമായി കാണുവാൻ കഴിയൂ. എന്നാൽ ചില ആളുകൾക്കു മങ്ങിയ വെളിച്ചത്തിലും കാര്യങ്ങളെ വ്യക്തമായി കാണുവാൻ കഴിയും. നമ്മുടെ കൺമുമ്പിൽ തന്നെ ഈ സത്യം യഥാതഥമായി ആ ലൈറ്റിന്റെ പ്രശ്നത്തിലൂടെ കാട്ടിത്തന്നതു ദൈവത്തിന്റെ നന്മയാണ്.

അതുകൊണ്ടു സുനിൽ, ചില മേഖലകളിൽ നിനക്കുള്ള വെളിച്ചം അനുഗ്രഹിന് ഉണ്ടാവില്ല.

അതുപോലെ അനുഗ്രഹ്: ചില മേഖലകളിൽ നിനക്കുള്ള വെളിച്ചം സുനിലിനും ഉണ്ടാവില്ല. നിങ്ങൾ ഓരോരുത്തരും തങ്ങൾക്കുള്ള വെളിച്ചത്തിൽ ജീവിക്കുകയും പങ്കാളിയെ സ്വന്തം വെളിച്ചത്തിൽ ജീവിക്കുവാൻ അനുവദിക്കുകയും വേണം.

ആറാം ക്ലാസ്സിൽ പഠിക്കുന്ന കുട്ടിക്ക് രണ്ടാം ക്ലാസ്സിൽ പഠിക്കുന്ന കുട്ടിയെക്കാൾ അറിവുണ്ട്. ആറാം ക്ലാസ്സുകാരൻ രണ്ടാം ക്ലാസ്സുകാരന് തന്റെയൊപ്പം അറിവുണ്ടാകണമെന്നു പ്രതീക്ഷിക്കുന്നത് ഭോഷത്തമാണ്. എന്റെ ഈ 65-ാം വയസ്സിൽ ഒരു 26കാരന് ദൈവവഴികളിൽ എന്റെയൊപ്പം പരിജ്ഞാനമുണ്ടെന്നു പ്രതീക്ഷിക്കുന്നതു ഭോഷത്തമാണ്. എന്നാൽ ഭോഷനായിരിക്കാൻ ഞാൻ ആഗ്രഹിക്കുന്നില്ല.

അധികം ക്രിസ്ത്യാനികളും ഭോഷന്മാരാണ്. തങ്ങൾ 30 വർഷങ്ങൾ കൊണ്ട് ആർജ്ജിച്ച പരിജ്ഞാനം മറ്റുള്ളവർ ഒരു വർഷം കൊണ്ട് ആർജ്ജിക്കണമെന്ന് അവർ പ്രതീക്ഷിക്കുന്നു.

ഈ യുവ ദമ്പതികൾക്ക് എത മാത്രം ജ്ഞാനമുണ്ടാകണമെന്ന് എനിക്കു പ്രതീക്ഷിക്കാൻ കഴിയും? ഇരുപതുകളിലുള്ള യൗവനക്കാരുടെ ജ്ഞാനം മാത്രം.

സുനിൽ, അനുഗ്രഹ്, നിങ്ങൾക്ക് അധികം ഉത്സാഹം പകരുന്ന ഒരു കാര്യം ഞാൻ നിങ്ങളോട് പറയാം. നിങ്ങളുടെ പ്രായത്തിൽ ഞാൻ ചെയ്തു കൂട്ടിയ മടയത്തരങ്ങളുടെ ഒരു പത്തിലൊന്നു മാത്രമേ നിങ്ങൾ ചെയ്യുവാൻ പോകുന്നുള്ളു. അതു നിങ്ങൾക്കു ധൈര്യമുണ്ടാക്കുന്ന കാര്യമാണ് എന്നു ഞാൻ കരുതട്ടെ. ദൈവം എന്നോടു കരുണ കാണിച്ചു. എന്റെ എല്ലാ ഭോഷത്തങ്ങളിലും ദൈവം ആശ്വാസം പകർന്നു. ഉത്സാഹം തന്നു.

ഒരു പിതാവെന്ന നിലയിൽ ഞാൻ നിങ്ങളോടു രണ്ടു പേരോടും പറയട്ടെ. അനുഗ്രഹ്, ഞാൻ നിന്റെ അമ്മായിയപ്പനല്ല, അപ്പനാണ് എന്നുകൂടി പറഞ്ഞുകൊള്ളട്ടെ. വളരെ മുമ്പു തന്നെ ഞാൻ തീരുമാനമെടുത്തിരുന്നു ഞാൻ ന്യായപ്രമാണത്തിനല്ല കൃപയ്ക്ക് അധീനനാകയാൽ എനിക്കു ഒരിക്കലും മരുമക്കളുണ്ടാവില്ല. മക്കൾ മാത്രമേ ഉണ്ടാകു എന്ന്. അക്കാര്യം അടുത്ത ചില വർഷങ്ങളിൽ നിനക്കു പരീക്ഷിച്ചുതന്നെ മനസ്സിലാക്കാവുന്നതാണ്. ഞാൻ നിന്നോടു പെരുമാറുന്നതു മരുമകളോടെന്ന പോലെയാണോ മകളെപ്പോലെയാണോ എന്ന്. എനിക്ക് ഏതെങ്കിലും അവസരത്തിൽ വീഴ്ച വന്നാൽ ഇന്നു ഞാൻ പറഞ്ഞ ഈ കാര്യം എന്നെ നിനക്ക് ഓർമ്മിപ്പിക്കാവുന്നതാണ്. തീർച്ചയായും അതു ഞാൻ സ്വീകരിക്കും.

നിങ്ങളുടെ പിതാവ് എന്ന നിലയിൽ എനിക്കു നിങ്ങളോടു പറയുവാനുള്ളത് ഇതാണ്. എനിക്കുള്ള വെളിച്ചം നിങ്ങൾക്കുണ്ടാകുമെന്നു ഞാൻ പ്രതീക്ഷിക്കുന്നില്ല. നിങ്ങൾക്ക് 65 ആകുന്നതിനു മുമ്പെ എനിക്കുള്ള വെളിച്ചവും ജ്ഞാനവും നിങ്ങൾ ക്കുണ്ടാകുമായിരിക്കാം – ഒരുപക്ഷേ നിങ്ങൾക്കു 45 ആകുമ്പോഴേക്ക് എനിക്കിന്നുളള ജ്ഞാനം നിങ്ങൾ ക്കുണ്ടാകുമായിരിക്കാം. ഒരുപക്ഷേ 65 ആകുമ്പോഴേക്കും എനിക്ക് ഇന്നുള്ളതിലും ജ്ഞാനം അധികം നിങ്ങൾക്കുണ്ടാകുമായിരിക്കാം.

അതുകൊണ്ട് 40 വർഷം കൊണ്ട് തങ്ങൾ ആർജ്ജിച്ച ജ്ഞാനം നിങ്ങൾക്കുണ്ടെന്നു പ്രതീക്ഷിക്കുന്ന ആളുകളെ കണ്ടു മുട്ടുമ്പോൾ അവരെ അവഗണിക്കുക. യെശയ്യ 42:19ൽ ഒരു മനോഹരമായ വചനമുണ്ട്. “യഹോവയുടെ ഒരു യഥാർത്ഥ ദാസൻ ചെകിടനും കുരുടനും ആയിരിക്കും.” നിങ്ങളുടെ ചുറ്റുമുള്ള ആളുകളുടെ അഭിപ്രായങ്ങൾക്കു നിങ്ങൾ ചെകിടരും കുരുടരുമായിത്തീരുക. ആ വാക്യം എന്നെ വളരെ സഹായിച്ചു. അതു നിങ്ങളെയും സഹായിക്കും. നിങ്ങൾ ആളുകളുടെ അഭിപ്രായത്തിനു ബധിരരും കുരുടരുമാകുന്നത്രത്തോളം മാത്രമേ നിങ്ങൾക്കു ദൈവസാന്നിദ്ധ്യത്തിൽ ജീവിക്കുവാൻ കഴിയൂ.

അതുകൊണ്ടു നിങ്ങളെ വിമർശിക്കുന്നവരുടെ കുറവുകളല്ല, നിങ്ങളുടെ കുറവുകൾ തന്നെ കണ്ടെത്തുവാൻ ശ്രമിക്കുക. അവർ നിങ്ങളെ വിമർശിച്ചുകൊണ്ടു സ്വയം നശിക്കുന്നെങ്കിൽ നശിക്കട്ടെ. ഞാൻ വർഷങ്ങൾക്കു മുമ്പ് അങ്ങനെ ഒരു തീരുമാനം എടുത്തിരുന്നു. ഞാൻ മറ്റുള്ള വരെ വിമർശിച്ചു കൊണ്ടു സ്വയം നാശത്തിനു വിധേയനാവുകയില്ല എന്ന്. ഞാൻ വളരെ ഭോഷത്തങ്ങൾ എന്റെ ചെറുപ്പകാലത്തു ചെയ്തു കൂട്ടി. ഇന്ന് എനിക്കു കുറച്ചു കൂടി പരിജ്ഞാനം ലഭിച്ചിരിക്കുന്നു. പൗലൊസ് പറയുന്നു: “ഞാൻ ശിശുവായിരുന്നപ്പോൾ ശിശുവിനെപ്പോലെ പെരുമാറി. ശിശുവിനെപ്പോലെ സംസാരിച്ചു. ശിശുവിനെപ്പോലെ പ്രവർത്തിച്ചു. ഞാൻ മുതിർന്ന ശേഷമോ ശിശുവിനുള്ളതു ത്യജിച്ചു കളഞ്ഞിരിക്കുന്നു (1കൊരി. 13:11). നിങ്ങളെയും വേഗത്തിൽ മുതിർന്നവരാകുവാൻ ഞാൻ ഉത്സാഹിപ്പിക്കുന്നു.

എവിടെ ഭാര്യയും ഭർത്താവും വിശുദ്ധരാകുന്നോ അവിടെ

ഭാര്യയും ഭർത്താവും എല്ലാ ദിവസവും വിശുദ്ധിയിൽ ജീവിക്കുന്നിടത്തു ദൈവം വസിക്കുന്നു.

യെഹസ്കേൽ 43:12ൽ ഇങ്ങനെ പറയുന്നു: “ഇതാകുന്നു ആലയത്തെക്കുറിച്ചുള്ള പ്രമാണം; പർവ്വതത്തിന്റെ മുകളിൽ അതിന്റെ അതിർത്തിക്കകമെല്ലാം അതിവിശുദ്ധമായിരിക്കേണം.

കൂടാരത്തിനു മൂന്നു ഭാഗങ്ങളുണ്ടായിരുന്നു. പുറത്തെ പ്രാകാരം, വിശുദ്ധ മന്ദിരം, അതി വിശുദ്ധ മന്ദിരം. ഇതിൽ അതിവിശുദ്ധ സ്ഥലമായിരുന്നു ഏറ്റവും ചെറുത്.

പുതിയ ഉടമ്പടിയിൽ പ്രാകാരവും വിശുദ്ധ സ്ഥലവും ഇല്ല. എല്ലാം അതിവിശുദ്ധ മന്ദിരമാണ്. കൂടാരത്തിലെപ്പോലെ ദൈവ തേജസ്സ് ഒരു കോണിൽ മാത്രമല്ല മന്ദിരത്തിന്റെ അതിരിന്നകമെല്ലാം അതിവിശുദ്ധമായിരിക്കും എന്നാണ്.

എന്താണതിനർത്ഥം? നിങ്ങളുടെ ജീവിതം ഞായറാഴ്ചകളിൽ മാത്രമല്ല എല്ലാ ദിവസവും അതിവിശുദ്ധമായിരിക്കുമെന്നാണ്. നിങ്ങൾ ബൈബിൾ വായിക്കുമ്പോൾ മാത്രമല്ല വിശുദ്ധരാകുന്നത്, എന്തു ചെയ്യുമ്പോഴും വിശുദ്ധരാണ്. നിങ്ങളുടെ ജീവിതത്തിന്റെ, ഭവനത്തിന്റെ, ഓരോ കോണും മൂലയുമെല്ലാം വിശുദ്ധമായിരിക്കണം. വിശുദ്ധി എന്നത് ഏതെങ്കിലും കർമ്മങ്ങൾ ചെയ്യുന്നതിലൂടെ ഉണ്ടാകുന്ന ഒന്നല്ല. ദൈവത്തിനു പ്രസാദകരമല്ലാത്ത കാര്യങ്ങളെ നിങ്ങൾക്കു ലഭിച്ച വെളിച്ച പ്രകാരം ജീവിതത്തിൽ നിന്നും നീക്കുമ്പോൾ ഉണ്ടാകുന്നതാണ്. നിങ്ങൾ ഇരുവരുടെയും ജീവിതത്തിൽ ഇതു സത്യമായി തീരട്ടെ.

നിങ്ങൾ ഒരുമിച്ചുള്ള ജീവിതത്തെ സംബന്ധിച്ചു ദൈവത്തിനു മനോഹരമായ ഒരു പദ്ധതി ഉണ്ട്. ആദമിനെ ദൈവം സൃഷ്ടിക്കുമ്പോൾ അവിടെ ഹവ്വ ഉണ്ടായിരുന്നില്ല. ആദമിന്റെ മൂക്കിൽ ദൈവം ജീവശ്വാസം ഊതി. അവൻ കണ്ണു തുറന്നപ്പോൾ കണ്ടതു ദൈവത്തെയാണ്. അതു പോലെ സുനിൽ, നീ എല്ലാ ദിവസത്തിലും പ്രഭാതത്തിൽ കണ്ണു തുറന്നു ദൈവത്തെ തന്നെയായിരിക്കും കാണുക. തുടർന്ന് ആദാമിനു ഒരു നിദ്ര വരുത്തിയ ശേഷം അവന്റെ വാരിയെല്ലെടുത്തു ഹവ്വയെ സൃഷ്ടിച്ചു. ഹവ്വ കണ്ണു തുറന്നപ്പോൾ അവളും ആദ്യം കണ്ടതു ദൈവത്തെ തന്നെ ആയിരുന്നു. അനുഗ്രഹ്, നീയും എല്ലാ ദിവസവും രാവിലെ കണ്ണു തുറക്കുമ്പോൾ കാണുന്നതു ദൈവത്തെ തന്നെയാകണം. അതിനു ശേഷമായിരുന്നു ദൈവം അവരെ ഒന്നിപ്പിച്ച് വിവാഹം കഴിപ്പിച്ചത്. അവർ ആദ്യം ദൈവത്തെ കണ്ടതു കൊണ്ട് അവർ പരസ്പരം വളരെ സ്നേഹിച്ചു. ദാമ്പത്യ ജീവിതത്തിൽ സ്നേഹം നീണ്ടു നിൽക്കുന്നതിന്റെ രഹസ്യം നിത്യേനയുള്ള ഈ കാഴ്ചയാണ്.

ആദമിനു ദൈവം ചെയ്തു കൊടുത്തതു സുനിലിനു ദൈവം നൽകിത്തന്നിരിക്കുന്നു. 26 വർഷങ്ങൾക്കു മുമ്പ് നീ ജനിക്കുമ്പോൾ മാതാപിതാക്കളായ ഞങ്ങൾക്കു വലിയ സന്തോഷമായിരുന്നു. ആ ദിവസത്തിനു വളരെ മുമ്പെ തന്നെ ദൈവം നിന്റെ ജനനത്തെക്കുറിച്ചറിഞ്ഞിരുന്നു. ഞാനും നിന്റെ അമ്മയും വിവാഹിതരാകും മുമ്പ് തന്നെ നിന്റെ പേര് ദൈവം ജീവപുസ്തകത്തിൽ എഴുതിക്കഴിഞ്ഞിരുന്നു. നിന്റെ വിവാഹത്തിനു വേണ്ടിക്കൂടി ദൈവം കരുതിയിരുന്നു എന്നത് അത്ഭുതകരമാണ്. അതുകൊണ്ട് നീ ജനിച്ചു ചില വർഷങ്ങൾ കഴിഞ്ഞപ്പോൾ ഇന്ത്യയുടെ മറ്റൊരു ഭാഗത്ത് ഒരു കൊച്ചു പെൺകുട്ടിയെ കൂടി ദൈവം ഭൂജാതയാക്കി. ഇക്കാര്യം നിനക്കോ അനുഗ്രഹിനോ അറിയുമായിരുന്നില്ല. ദൈവം ചേരുമ്പടി ചേർക്കുന്നതിൽ ഒരു വിദഗ്ധനാണ്. നിങ്ങൾക്ക് ഇരുവർക്കും വേണ്ടിയുള്ള ഈ പദ്ധതിയെക്കുറിച്ചു നിങ്ങൾ അറിഞ്ഞതേയില്ല. ഈ കുട്ടി വളർന്നുകൊണ്ടിരിക്കുമ്പോൾ അവൾക്കു വേണ്ടി നീ തന്നെയായിരുന്നു ദൈവത്തിന്റെ മനസ്സിൽ ഉണ്ടായിരുന്നത്. അങ്ങനെ ഒരു ദിവസം അവിടുന്നു നിങ്ങളെ കൂട്ടി വരുത്തി. ആദമിനെയും ഹവ്വയെയും കൂട്ടി വരുത്തിയ പ്രകാരം തന്നെ. നിങ്ങളെ സംബന്ധിച്ചു ദൈവം എത്ര നല്ലവനാണ്!

അതു കൊണ്ടു നിങ്ങളെക്കുറിച്ചുള്ള എന്റെ പ്രാർത്ഥന ഇതാണ്. നിങ്ങളുടെ ജീവിതത്തെ സംബന്ധിച്ചു ദൈവം തികച്ചും സന്തുഷ്ടനായിരിക്കും- നിങ്ങളുടെ ഭവനം ഒരു വിശുദ്ധ മന്ദിരമായി, ദൈവത്തിന് ഒരു തിരുനിവാസമായി നിങ്ങൾ പണിയുമെങ്കിൽ.

ദൈവം നിങ്ങളെ ഇരുവരെയും അ നുഗ്രഹിക്കുമാറാകട്ടെ. ആമേൻ.